ଗୁରୁଡିଝାଟିଆ : ଖୁଣ୍ଟୁଣୀ ଥାନା ପରିସରରେ ଆମ ପୋଲିସ ବୈଠକ ଅନୁଷ୍ଠିତ ହୋଇଛି । ସାଧାରଣ ଜନତା ଓ ପୋଲିସ ଭିତରେ ସୌହାର୍ଦ୍ଦ୍ୟପୂର୍ଣ୍ଣ ବାତାବରଣ ସୃଷ୍ଟିକରିବା, ଆପୋଷ ଆଲୋଚନା ମାଧ୍ୟମରେ ମକଦ୍ଦମାଗୁଡିର ସମାଧାନ କରିବା, ପୋଲିସ ଉପରେ ସାଧାରଣ ଜନତାଙ୍କ ଆସ୍ଥାଭାଜନ ପାଇଁ ଉଦ୍ଦିଷ୍ଟ ଆମ ପୋଲିସ ବ୍ୟବସ୍ଥାକୁ ଅଧିକ ଲୋକାଭିମୁଖି କରିବା ପାଇଁ ଉପସ୍ଥିତ ବିଭିନ୍ନ ପଞ୍ଚାୟତରୁ ଆସିଥିବା ବିଶିଷ୍ଟ ବ୍ୟକ୍ତିମାନେ ମତପ୍ରକାଶ କରିଥିଲେ। ଖୁଣ୍ଟୁଣୀ ଥାନା ଅଧିକାରୀ ଭବାନୀ ଶଙ୍କର ଖୁଣ୍ଟିଆଙ୍କ ଅଧ୍ୟକ୍ଷତାରେ ଆୟୋଜିତ ଏହି ବୈଠକରେ ଖୁଣ୍ଟୁଣୀ-ରମ୍ପେଇ ଗ୍ରାମ କମିଟି ଉପସଭାପତି ବିପିନ ବିହାରୀ ପ୍ରଧାନ, ସମିତିସଭ୍ୟ ଗଗନ ବିହାରୀ ପରିଡା, ଯୁବ ସଂଗଠକ ନୃସିଂହ ଚରଣ ସାହୁ, ରାଧାକିଶୋରପୁରର ପୂର୍ବତନ ସରପଞ୍ଚ ଉମେଶ ଚନ୍ଦ୍ର ସ୍ୱାଇଁ, ସାମ୍ବାଦିକ ସଚ୍ଚିଦାନନ୍ଦ ପଣ୍ଡା, ବ୍ରଜଭୂଷଣ ପାତ୍ର ପ୍ରମୁଖଙ୍କ ସହିତ ସ୍ଥାନୀୟ ଅଞ୍ଚଳର ବିଶିଷ୍ଟ ବ୍ୟକ୍ତିମାନେ ଉପସ୍ଥିତ ରହିଥିଲେ। ଉପନିରୀକ୍ଷକ ଡଃ ବିକାଶ ଚନ୍ଦ୍ର ସେଠୀ ଧନ୍ୟବାଦ ଅର୍ପଣ କରିଥିଲେ।
Popular Categories
Previous article
Next article