କେନ୍ଦୁଝରଗଡ଼ : ଚଳିତମାସ ୩୦ ଓ ଅକ୍ଟୋବର ୧ ତାରିଖ ଦୁଇଦିନ ଧରି ଶଙ୍କରପୁରସ୍ଥିତ ଧରଣୀଧର ସ୍ପୋଟ୍ସ କମ୍ପେ୍ଲକ୍ସ ଠାରେ ଅନୁଷ୍ଠିତ ହେବାକୁଥିବା ଜିଲାସ୍ତରୀୟ ଖୋ ଖୋ ପ୍ରତିଯୋଗିତାରେ ଅଂଶଗ୍ରହଣ ପାଇଁ ସଦର ବ୍ଲକ ପଳାଶପଙ୍ଗା ସନ୍ଥେଭଞ୍ଜ ନୋଡାଲ ହାଇସ୍କୁଲର ୫ଜଣ ଛାତ୍ରଛାତ୍ରୀ ଯୋଗ୍ୟତା ହାସଲ କରିଛନ୍ତି । ୧୪ବର୍ଷରୁ କମ୍ ବାଳକ ବିଭାଗରେ ସପ୍ତମଶ୍ରେଣୀ ଛାତ୍ର ସଚ୍ଚିନ ନାଏକ ଓ ବାଳିକା ବିଭାଗରେ ସପ୍ତମଶ୍ରେଣୀ ଛାତ୍ରୀ ସୁମୀ ମୁଣ୍ଡା ଓ ଲିଜାରାଣୀ ମୁଣ୍ଡା ଏବଂ ୧୭ବର୍ଷରୁ କମ୍ ବାଳିକା ବର୍ଗରେ ଦଶମଶ୍ରେଣୀ ଛାତ୍ରୀ କବିତା କ୍ରିଷ୍ଣମୂର୍ତ୍ତି ନାଏକ ଓ ଗୀତା ମୁଣ୍ଡା ଜିଲାସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ ପାଇଁ ୨୨ ସେପ୍ଟମ୍ବରରେ ଅନୁଷ୍ଠିତ ବ୍ଲକସ୍ତରୀୟ ପ୍ରତିଯୋଗିତାରୁ ଯୋଗ୍ୟତା ହାସଲ କରିଛନ୍ତି । ଜିଲାସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ ପାଇଁ ଯୋଗ୍ୟତା ହାସଲ କରିଥିବା ଏହି ସମସ୍ତ ୫ଜଣ କୃତୀ ଛାତ୍ରଛାତ୍ରୀଙ୍କୁ ବିଦ୍ୟାଳୟର ପ୍ରଧାନଶିକ୍ଷକ କୃଷ୍ଣଚନ୍ଦ୍ର ମହାନ୍ତ ଜିଲାସ୍ତରୀୟ ପ୍ରତିଯୋଗିତାରେ ସଫଳତା ହାସଲ କରି ବିଦ୍ୟାଳୟର ଗୌରବ ବୃଦ୍ଧି ପାଇଁ ଶୁଭେଛା ଜଣାଇବା ସହ କ୍ରୀଡାଶିକ୍ଷକ ମୌଳିନ୍ଦୁ କୁମାର ମହାନ୍ତଙ୍କ ଉଦ୍ୟମକୁ ପ୍ରଶଂସା କରିବା ସହ ସାଧୁବାଦ୍ ଜ୍ଞାପନ କରିଛନ୍ତି।
Comments are closed.