ରେଙ୍ଗାଲି : ସମ୍ବଲପୁର ଜିଲ୍ଲାର ରେଙ୍ଗାଲି ବ୍ଲକ ଅନ୍ତର୍ଗତ ସାଲଡ଼ ଗ୍ରାମର ଜଗନ୍ନାଥ ମନ୍ଦିର ପ୍ରାଙ୍ଗଣରେ ନୁଆଁଖାଇ ଭେଟ୍ ଘାଟ୍ ମହାସମାରୋହ ଆୟୋଜିତ ହୋଇଯାଇଛି। ପ୍ରାରମ୍ଭରେ ଅତିଥି ମାନଙ୍କ ଦ୍ବାରା ଈଷ୍ଟଦେବୀ ମା ସମଲେଇଙ୍କ ଠାରେ ପୂଜା ଅର୍ଜନା ଓ ଦୀପ ପ୍ରଜ୍ୱଳ କରାଯାଇଥିଲା। ନୁଆଁ ଖାଇ ଭେଟ୍ ଘାଟ୍ କମିଟି ସଭାପତି ଅନ୍ତର୍ଯ୍ୟାମୀ ପାଣିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ ଓଡିଶା ରାଜ୍ୟ ମୁକ୍ତ ବିଶ୍ୱ ବିଦ୍ୟାଳୟ କୁଳପତି ଡ଼ଃ ଅର୍କ କେଶରୀ ଦାସ ମହାପାତ୍ର ମୁଖ୍ୟ ଅତିଥି, ବିଶ୍ୱ ହିନ୍ଦୁ ପରିଷଦ ପଶ୍ଚିମ ପ୍ରାନ୍ତ ଅଧ୍ୟକ୍ଷ ଡ଼ା ରାଜକୁମାର ବଡ଼ ପଣ୍ଡା ମୁଖ୍ୟବକ୍ତା ଏବଂ ପୂର୍ବତନ ବିଧାୟକ ଦୁର୍ଯ୍ୟୋଧନ ଗର୍ଡିଆ ସମ୍ମାନିତ ଅତିଥି ରୂପେ ଯୋଗ ଦେଇଥିଲେ।l ଅତିଥି ମାନେ ଭିନ୍ନତା ମଧ୍ୟରେ ଏକତା ଓ ଭ୍ରାତୃତ୍ବ ର ପ୍ରତୀକ ପ୍ରାଚୀନ ଗଣପର୍ବ ନୁଆଁଖାଇ ପର୍ବର ଉତ୍ପତ୍ତି, ବିଶେଷତ୍ବ, ସମାଜିକ ଓ ସାଂସ୍କୃତିିକ ଜୀବନ ରେ ଏହାର ପ୍ରଭାବ ଉପରେ ଆଲୋକପାତ କରି ଦିନକୁ ଦିନ ଏହି ପର୍ବ ଜାତୀୟ ଓ ଆନ୍ତର୍ଜାତିକ ସ୍ତରରେ ଲୋକପ୍ରିୟ ହେଉଥିବାରୁ ଏହା ପଶ୍ଚିମ ଓଡିଶାର ମାଟି ପାଇଁ ଗର୍ବର ବିଷୟ ବୋଲି ମତ ପ୍ରକାଶ କରି ଥିଲେ। ସମ୍ପାଦକ ବିରଞ୍ଚି ବିଶ୍ୱାଳ ବିବରଣୀ ପାଠ କରିଥିଲେ। ଭେଟଘାଟ୍ ଉତ୍ସବରେ ଓଡିଶା ପ୍ରଶାସନିକ ସେବା ପରୀକ୍ଷାରେ ସଫଳତା ଅର୍ଜନ କରିଥିବା ସରିତା ଓରାମ, ଆର୍ଟ ଅଫ ଲିଭିଂର ଯୋଗ ଗୁରୁ ହିମଂଶୁ ପଣ୍ଡା ଏବଂ ମଧୁମିତା ଭଉଣୀଙ୍କୁ ମାନ ପତ୍ର ଏବଂ ଉପଢୌକନ ଦେଇ ସମ୍ମାନିତ କରାଯାଇଥିଲା। କାର୍ଯ୍ୟକ୍ରମ ଆରମ୍ଭରେ ମନୋଜ ନାୟକ ପ୍ରାରମ୍ଭିକ ସଂଗୀତ ଗାନ ପରେ ବିଶ୍ୱକେଶନ ବିଶ୍ୱାଳ ସ୍ୱାଗତ ଭାଷଣ ଓ ଅତିଥିମାନଙ୍କର ପରିଚୟ ପ୍ରଦାନ କରିଥିଲେ । ସୁବାସ ବିଶ୍ୱାଳ ଧନ୍ୟବାଦ ଅର୍ପଣ କରିଥିଲେ। ଅଞଳର ବହୁ ମାନ୍ୟଗଣ୍ୟ ବ୍ୟକ୍ତି ଓ ଜନସାଧାରଣ କାର୍ଯ୍ୟକ୍ରମରେ ଅଂଶ ଗ୍ରହଣ କରିଥିଲେ। ଏହି ଅବସରରେ ହାସ୍ୟ କଵି ଗୁଣୁମନୀ ସାଲିମାଙ୍କ ସଂଯୋଜନାରେ ଏକ ହସ୍ୟକବି ଧୂରକୁଟା ହସ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ଭଟଲିର ଦେବନ୍ଦ୍ର ସାହୁ, ବରପାଲି ଭାରତ ନାୟକ ସୋହେଲାର ମୁନିରାମ କମ୍ଭାର ପ୍ରମୁଖ ଅଂଶ ଗ୍ରହଣ କରି ଦର୍ଶକ ମାନଙ୍କୁ ଆମୋଦିତ କରିଥିଲେ। ଶେଷରେ ଶିକ୍ଷକ ଆସନ ବେହରା ଙ୍କ ସଂଯୋଜନା ସାଂସ୍କୃତିକ କାର୍ଯକ୍ରମ ଅନୁଷ୍ଠିତ ହୋଇଥିଲା।
Popular Categories
Previous article
Next article