ଗୋପାଳପୁର: ଗୋଳନ୍ଥରା ଥାନା ଅଧୀନ ସୁନାପୁର ବେଳା ଭୂମିକୁ ବୁଲିବାକୁ ଯାଇ ମୁହାଁଣ ଅଞ୍ଚଳରେ ମନ୍ତ୍ରୀଡିଠାରେ ଥିବା ଭିତମ ଇଞ୍ଜିନିୟରିଂ କଲେଜର ଜଣେ ବିଟେକ ଦ୍ୱତୀୟ ବର୍ଷ ଛାତ୍ର ନିଖୋଜ ହୋଇ ଯାଇଥିବା ଜଣାପଡିଛି l ନିଖୋଜ ଛାତ୍ର ଜଣଙ୍କ ହେଲେ ହିଞ୍ଜିଳି କାଟୁ ଅଞ୍ଚଳର ଶକ୍ତି ପ୍ରସାଦ ମହାରଣା ବୋଲି ସୂଚନା ମିଳିଛି l ପ୍ରାପ୍ତ ସୂଚନା ଅନୁଯାଇ, ଆଜି ଭିତମ କଲେଜର ୭ ଜଣ ଛାତ୍ର ସୁନାପୁର ବେଳାଭୂମି ବୁଲିବା ପାଇଁ ଯାଇଥିଲେ l ସେମାନେ ସମୁଦ୍ର ମୁହାଁଣରେ ଗାଧୋଉଥିବା ବେଳେ ଶକ୍ତି ପ୍ରସାଦ ହଠାତ ପାଣିରେ ନିଖୋଜ ହୋଇଯାଇଥିଲେ l ସାଥିରେ ଥିବା ସାଙ୍ଗ ଛାତ୍ର ମାନେ ଖୋଜାଖୋଜି କରିଥିଲେ ମଧ୍ୟ କୌଣସି ପତ୍ତା ପାଇନଥିଲେ l ଏନେଇ ଛାତ୍ର ମାନେ ସୁନାପୁର ସାମୁଦ୍ରିକ ଥାନାରେ ଅଭିଯୋଗ କରିବା ପରେ ପୋଲିସ ଓ ଅଗ୍ନିଶମ ବାହିନୀ ଖୋଜା ଖୋଜି ଆରମ୍ଭ କରିଥିଲେ ମଧ୍ୟ କୌଣସି ପତ୍ତା ପାଇ ନଥିବା ଜଣାପଡିଛି। ନିଖୋଜ ଛାତ୍ର ଶକ୍ତି ପ୍ରସାଦ ପ୍ରତିଦିନ ହିଞ୍ଜିଳିକାଟୁରୁ କଲେଜ ଯିବା ଆସିବା କରୁଥିବା ବେଳେ ଆଜି କଲେଜ ଆସିନଥିବା କଲେଜ କର୍ତ୍ତୃପକ୍ଷ ପ୍ରକାଶ କରିଛନ୍ତି।
Comments are closed.