ପାଟଣା : ପାଟଣା ଥାନା ଉଦୟପୁର ଅଞ୍ଚଳର ଜଣେ ମହିଳାଙ୍କ ଅଶ୍ଳୀଳ ଫଟୋ ଉଠାଇ ତାଙ୍କୁ ଦୈହିକ ଶୋଷଣ କରିବା, ବ୍ଲାକ ମେଲିଂ କରିବା ଅଭିଯୋଗରେ ପାଟଣା ଥାନା ଅଧିକାରୀ ଦୀପ୍ତି ରଞ୍ଜନ ସାହୁ ଆଜି ଭଦ୍ରକ ଜିଲ୍ଲା ବନ୍ତ ଥାନା ସରମରା ଗ୍ରାମର ବିଶ୍ୱନାଥ ଜେନା(୩୫) ନାମକ ଜଣେ ଯୁବକକୁ ଗିରଫ କରି କୋର୍ଟ ଚାଲାଣ କରିଛନ୍ତି। ଅଭିଯୁକ୍ତ ନାମରେ ପାଟଣା ଥାନାରେ ଏକ ମାମଲା ରୁଜୁ କରାଯାଇଛି । ଭଦ୍ରକ ବାପ ଘରେ ଥିବା ସମୟରେ ସେ ଡାକ୍ତରଖାନାରେ ଚିକିତ୍ସାଧିନ ଥିବା ସମୟରେ ସହାୟତା ଆଳରେ ଅଭିଯୁକ୍ତ ଜଣକ ମହିଳାଙ୍କ ଅଶ୍ଲୀଳ ଫୋଟ ଉଠାଇ ତାଙ୍କୁ ବ୍ଲାକ ମେଲିଂ କରିବା ସହ ଦୈହିକ ଶୋଷଣ କରି ଆସୁଥିଲେ। ସବୁବେଳେ ସମ୍ପର୍କ ନରଖିଲେ ଫଟୋ ଭାଇରାଲ କରିବା ଧମକ ମଧ୍ୟ ଦେଉଥିଲା। ମହିଳା ଜଣକ ଅତିଷ୍ଠ ଓ ବିବ୍ରତ ଥିବା ଜାଣି ଶାଶୁଘର ଲୋକେ ପଚରା ଉଚରା କରିବାରୁ ଘଟଣା ଜଣାପଡିବା ପରେ ଥାନାରେ ଅଭିଯୋଗ କରିଥିଲେ। ଏନେଇ ପାଟଣା ଥାନାରେ ଏକ ମାମଲା ରୁଜୁ କରିବା ସହ ନିଜେ ଥାନାଧିକାରୀ ଶ୍ରୀ ସାହୁ ତଦନ୍ତ ଭାର ନେଇଥିଲେ।
Comments are closed.