ଆଠଗଡ : ପବିତ୍ର ଜନ୍ମାଷ୍ଟମୀ ଅବସରରେ ଆଠଗଡ ସହରର ବିଭିନ୍ନ ପୂଜା କମିଟି ପକ୍ଷରୁ ଦେବୀଙ୍କ ପ୍ରତିମା ଲାଗି ମାଟି ଅନୁକୁଳ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ରାସରସିକପୁର ଦୁର୍ଗାପୂଜା କମିଟି ପକ୍ଷରୁ ଏକ ଭବ୍ୟ ଶୋଭାଯାତ୍ରା ସାହି ପରିକ୍ରମା କରି ଶାସନ ପୋଖରୀ ନିକଟରେ ପହଞ୍ଚିବା ପରେ ସେଠାରେ ପାରମ୍ପରିକ ପୂଜାର୍ଚ୍ଚନା କରାଯାଇ ମାଟି ଅନୁକୁଳ କରାଯାଇଥିଲା। ପୂଜକ କାଳିପ୍ରସାଦ ମିଶ୍ର ଓ ସୁବାସ ଚନ୍ଦ୍ର ଆଚାର୍ଯ୍ୟ ଏବଂ ପୂଜାର କର୍ତ୍ତା ଭାବେ ଧର୍ମାନନ୍ଦ ସାହୁ ପୂଜାକର୍ମ କରି ମାଟି ଅନୁକୁଳ କରିଥିଲେ। ସାହିକମିଟିର ସଭାପତି ମିହିର କୁମାର ତ୍ରିପାଠୀ, ସଂପାଦକ ଲକ୍ଷ୍ମୀଧର ସ୍ୱାଇଁ, ପୂଜା କମିଟି ସଂପାଦକ ଦିଲ୍ଲୀପ କୁମାର ବାରିକ, ସୁଶିଲ କୁମାର ମହାରଣା, ଶିବ ଶଙ୍କର ଜେନା, ମନୋରଞ୍ଜନ ମିଶ୍ର, ଦ୍ୱିତୀକୃଷ୍ଣ ପାଲ, ଅଜୟ କୁମାର ସାହୁ ଓ ପ୍ରଦୀପ କୁମାର ବେହେରା ପ୍ରମୁଖ ସମସ୍ତ କାର୍ଯ୍ୟ ପରିଚାଳନା କରିଥିଲେ। ସେହିପରି ଆଠଗଡ ଦୁର୍ଗାବଜାର, କନ୍ତୋଲ ଦୁର୍ଗାବଜାର ଓ ହାଟ ବଜାର ଏବଂ ଚାନ୍ଦବାଲିଛକ ବଜାର କମିଟି ପକ୍ଷରୁ ମଧ୍ୟ ଅନୁରୁପ ଭାବେ ମାଟି ଅନୁକୁଳ କରାଯାଇଥିଲା।
Popular Categories
Previous article
Next article