ସମ୍ବଲପୁର: ହୀରାଖଣ୍ଡ ସାମ୍ମୁଖ୍ୟ ପକ୍ଷରୁ ଏକ ସଭା ବୌଦ୍ଧ ଜିଲ୍ଲା ରୁଣ୍ଡି ମହୁଲ ଠାରେ ଅନୁଷ୍ଠାନର ସଭାପତି ଡ଼ ପରେଶ ଚନ୍ଦ୍ର ଦାନୀଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା। ପ୍ରଖ୍ୟାତ ନାଟ୍ୟକାର ହରିହର ପ୍ରଧାନ ମୁଖ୍ୟ ଅତିଥି ଭାବରେ ଯୋଗଦାନ କରି କହିଲେ ସମ୍ବଲପୁରୀ ଭାଷା ସାହିତ୍ୟ ସଂସ୍କୃତି ଏକ ସ୍ୱତନ୍ତ୍ର ହୀରାଖଣ୍ଡ ପ୍ରଦେଶକୁ ଜନ୍ମ ଦେବ। ସମ୍ମାନିତ ଅତିଥି ବରିଷ୍ଠ ସାମ୍ବାଦିକ ଅର୍ଜୁନ ରଞ୍ଜନ ପଣ୍ଡା କହିଲେ ହୀରାଖଣ୍ଡ ଅଞ୍ଚଳକୁ ସବୁ କ୍ଷେତ୍ରରେ ଅବହେଳା କରାଯାଉଛି। ତେଣୁ ସଂଘବଦ୍ଧ ଭାବରେ ହୀରାଖଣ୍ଡ ରାଜ୍ୟ ଆନ୍ଦୋଳନରେ ସମସ୍ତଙ୍କୁ ସାମିଲ ହେବାପାଇଁ ଆହ୍ୱାନ କରିଥିଲେ। ସଭା ପ୍ରାରମ୍ଭରେ ମା ସମଲେଶ୍ୱରୀଙ୍କ ଫୋଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ ଓ ସ୍ୱାଗତ ସଂଗୀତ ପରିବେଷଣ କରାଯାଇଥିଲା। ବିଶିଷ୍ଟ ସମ୍ବଲପୁରୀ ସାହିତ୍ୟ ସାଧକ ଦିଲୀପ କୁମାର ମହାନ୍ତିଙ୍କୁ ଏହି ସଭାରେ ହୀରାଖଣ୍ଡ ସମ୍ମାନରେ ସମ୍ମାନିତ କରାଯାଇଥିଲା।
Popular Categories
Previous article
Next article