କଟକ: ସୂଚନା ଓ ଲୋକ ସମ୍ପର୍କ ଏବଂ କଟକ ଜିଲା ପ୍ରଶାସନ ପକ୍ଷରୁ ୭୭ତମ ଜିଲାସ୍ତରୀୟ ସ୍ବାଧୀନତା ଦିବସ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମରେ ଅର୍ଥ ମନ୍ତ୍ରୀ ବିକ୍ରମ ଆରୁଖ ମୁଖ୍ୟ ଅତିଥି ଭାବେ ଯୋଗଦେଇଥିଲେ। କଟକ ଜିଲା ପ୍ରଶାସନ ଓ ସୂଚନା ଓ ଲୋକ ସମ୍ପର୍କ ବିଭାଗ ଦ୍ବାରା ଆୟୋଜିତ ଏହି ଜିଲାସ୍ତରୀୟ ସ୍ବାଧୀନତା ଦିବସ ପାଳନ ଅବସରରେ ‘ସମାଜ ଲାଇଭ’ର ଡିଜିଟାଲ ମିଡ଼ିଆ ମ୍ୟାନେଜର ଜିତ୍ ପଟ୍ଟନାୟକଙ୍କୁ ଅର୍ଥ ମନ୍ତ୍ରୀ ବିକ୍ରମ ଆରୁଖ ସମ୍ବର୍ଦ୍ଧିତ କରିଛନ୍ତି। ସମାଜକୁ ୱେବ ମିଡ଼ିଆର ଅବଦାନ ପାଇଁ ଶ୍ରୀ ଆରୁଖ ‘ସମାଜ ଲାଇଭ’ର ଡିଜିଟାଲ ମିଡ଼ିଆ ମ୍ୟାନେଜର ଜିତ୍ ପଟ୍ଟନାୟକଙ୍କୁ ସମ୍ବର୍ଦ୍ଧିତ କରିଥିବା ଜଣାପଡ଼ିଛି।
ରାଜନୈତିକ, ସାମାଜିକ, ସାଂସ୍କୃତିକ ଓ ଅର୍ଥନୈକ ଇତ୍ୟାଦିର ଖବର ଦେଶବିଦେଶରେ ରହୁଥିବା ଓଡ଼ିଆଙ୍କୁ ପହଞ୍ଚାଇବାରେ ‘ସମାଜ ଲାଇଭ’ ପ୍ରମୁଖ ଭୂମିକା ନିର୍ବାହ କରିଛି। ଏହା ସମସ୍ତ ଡିଜିଟାଲ ପ୍ଲାଟଫର୍ମରେ ଉପଲବ୍ଧ ରହିଛି। ‘ସମାଜ ଲାଇଭ’ର ପ୍ରତ୍ୟେକଟି ଖବର ଉଚ୍ଚକୋଟିର ଏବଂ ଏହା ଦର୍ଶକୀୟ ଆଦୃତି ଲାଭ କରିଛି। ପ୍ରତ୍ୟେକ ଖବର ତତ୍କାଳ ପାଠକଙ୍କ ନିକଟରେ ପହଞ୍ଚାଇବାରେ ପ୍ରମୁଖ ଭୂମିକା ନିର୍ବାହ କରି ବିଭିନ୍ନ ମହଲରେ ପ୍ରଶଂସିତ ହୋଇଛି।
