କଲମପୁର: ସମଗ୍ର ଶିକ୍ଷା ଅଭିଯାନ ସୌଜନ୍ୟରୁ କଲମପୁର ବ୍ଲକର ୧୧ ଗୋଟି ପ୍ରାଥମିକ ବିଦ୍ୟାଳୟକୁ ସ୍ମାର୍ଟ ଟିଭି ପ୍ରଦାନ କରାଯାଇଛି। ଏହି ବିଦ୍ୟାଳୟର ଛାତ୍ରଛାତ୍ରୀ ଏବେ ସ୍ମାର୍ଟ ଟିଭି ମାଧ୍ୟମରେ ବିଦ୍ୟାଳୟ ଓ ଗଣ ଶିକ୍ଷା ବିଭାଗ ଦ୍ୱାରା ପ୍ରଦାନ କରାଯାଉଥିବା ଶିକ୍ଷା ଗ୍ରହଣରେ ଉପକୃତ ହୋଇପାରିବେ। ଶିକ୍ଷା ସମ୍ବନ୍ଧୀୟ ବିଭିନ୍ନ କାର୍ଯ୍ୟକ୍ରମ ବିଷୟରେ ଅବଗତ ହୋଇପାରିବେ। ଗୁରୁବାର କଲମପୁର ବ୍ଲକର ବିଜମରା, ମଣ୍ଡଳ, ତେନ୍ତୁଳିଖୁଣ୍ଟି, ଭଇଁରୀ, ଚୁରାଗାଁ, ଟେମରା, ଧନପୁର, ପାତ୍ରବସା, ପାଣିଗାଁ, ବନ୍ଧକନା ଏବଂ ଦୁଲକିବନ୍ଧ ଆଦି ୧୧ ଗୋଟି ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକମାନେ ଗୋଷ୍ଠି ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରୁ ସମଗ୍ର ଶିକ୍ଷା ଅଭିଯାନର ଗୋଷ୍ଠି ସଂଯୋଜକ ତଥା ଅତିରିକ୍ତ ଗୋଷ୍ଠି ଶିକ୍ଷା ଅଧିକାରୀ ହେମନ୍ତ କୁମାର ପଣ୍ଡାଙ୍କଠାରୁ ଏହି ଟିଭି ଗ୍ରହଣ କରିଛନ୍ତି।
Popular Categories
Previous article
Next article