ସମ୍ବଲପୁର : ରୋଟାରୀ କ୍ଲବ ଅଫ ସମ୍ବଲପୁର ଗ୍ରେଟରର ୨୫ତମ ପ୍ରତିଷ୍ଠା ଦିସବ ପାଳିତ ହୋଇଯାଇଛି । ରବିବାର ଆୟୋଜିତ ସମାରୋହରେ ମୁଖ୍ୟ ଅତିଥି ଭାବେ ସମ୍ବଲପୁର ଉପ ଜିଲାପାଳ ପ୍ରଭାସ ଦଣ୍ଡସେନା ଓ ସମ୍ମାନୀତ ଅତିଥି ଭାବେ ରୋଟାରୀ ଜିଲ୍ଲା ଗଭର୍ଣ୍ଣର ଅଖିଳ ମିଶ୍ର ଯୋଗ ଦେଇଥିଲେ। କ୍ଲବର ସଦସ୍ୟ ପରବେଜ ଅଲ୍ଲୀ ଖାନଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ବିଦାୟୀ ସଭାପତି ପ୍ରମୋଦ କୁମାର ଅଗ୍ରୱାଲ,ସମ୍ପାଦକ ଆନନ୍ଦ କୁମାର ମିଶ୍ର ମଞ୍ଚାସୀନ ରହିଥିଲେ।
୨୦୨୩ -୩୪ ବର୍ଷ ପାଇଁ କ୍ଲବର ନୂତନ ସଭାପତି ଭାବେ ଡା. ମନୋରଞ୍ଜନ ସାହୁ, ସମ୍ପାଦକ ଭାବେ ସମ୍ବିତ ସ୍ୱାଇଁ ଓ ଅନ୍ୟ ନୂତନ ପଦାଧିକାରୀ ମାନଙ୍କୁ ଶପଥପାଠ କରାଯାଇ ଦାୟିତ୍ୱ ହସ୍ତାନ୍ତରିତ କରାଯାଇଥିଲା । ଏହି ଅବସରରେ କ୍ଲବର ବିଗତ ବର୍ଷ ଗୁଡିକର ବିଭିନ୍ନ କାର୍ଯ୍ୟ ଗୁଡିକର ବିବରଣୀ ଉପସ୍ଥାପନା ସହିତ ଆଗାମୀ ଦିନରେ ହେବାକୁ ଥିବା ବିଭିନ୍ନ ଜନକଲ୍ୟାଣକାରୀ କାର୍ଯ୍ୟକ୍ରମ ସମ୍ପର୍କରେ ସୂଚନା ପ୍ରଦାନ କରାଯାଇଥିଲା । ବିଗତ ବର୍ଷରେ ଉଲ୍ଲେଖନୀୟ ସେବା କାର୍ଯ୍ୟ କରିଥିବା ସମସ୍ତ ସଦସ୍ୟ ମାନଙ୍କୁ ମଧ୍ୟ ସମ୍ମାନୀତ କରାଯାଇଥିଲା।
