ସମ୍ବଲପୁର : ସମ୍ବଲପୁର ଅବକାରୀ ବିଭାଗ ପକ୍ଷରୁ ବେଆଇନ ଦେଶୀ ମଦ କାରବାର ଉପରେ ରବିବାର ଚଢ଼ଉ ଅଭିଯାନ କରାଯାଇଥିଲା। ଏହି କ୍ରମରେ ସମ୍ବଲପୁରର ବିଭିନ୍ନ ସ୍ଥାନରେ ଚଢ଼ଉ କରାଯାଇ ଅବକାରୀ ପୁଲିସ ଜଣେ ମହିଳାଙ୍କ ସମେତ ୩ ଜଣଙ୍କୁ ଗିରଫ କରି ସମୁଦା ୧୦୯ ଲିଟର ଦେଶୀ ମଦ ଜବତ କରିଛି । ଅବକାରୀ ଦଳ ପ୍ରଥମେ କ୍ଷେତରାଜପୁର ଅଞ୍ଚଳର ନୁଆପଡା ଠାରେ ଚଢ଼ଉ କରି ଲକ୍ଷ୍ମୀ ଓରାମ (୪୨) ନାମକ ଜଣେ ମହିଳାଙ୍କ ଠାରୁ ବେଆଇନ ଭାବରେ ରଖାଯାଇଥିବା ୧୯ ଲିଟର ମଦ ଜବତ କରିଛି । ସେହିପରି କ୍ଷେତରାଜପୁରର ତିୱାରିଗଳି ଅଞ୍ଚଳର ବନ୍ଧ ଅଞ୍ଚଳ ନିକଟରେ ଚଢ଼ଉ କରି ବେଆଇନ ଭାବରେ ମହଜୁଦ ରଖିଥିବା ୫୦ ଲିଟର ଦେଶୀ ମଦକୁ ଜବତ କରି ଅଭିଯୁକ୍ତ ମନୋଜ କୁମାର ସେନାପତି ନାମକ ଜଣେ ବ୍ୟକ୍ତିଙ୍କୁ ଗିରଫ କରିଛି । ସେହିଭଳି ପରେ ଶାସନ ଥାନା ଅର୍ନ୍ତଗତ ଖୁଲିଆ ଗ୍ରାମର କେନାଲପଡା ଅଞ୍ଚଳରେ ଚଢ଼ଉ କରାଯାଇ ସୁରେଶ ବାଗ (୨୪) ନାମକ ଜଣେ ଯୁବକଙ୍କୁ ଗିରଫ କରିଛି । ଏହି ୩ ଘଟଣାରେ ୩ଟି ପୃଥକ ପୃଥକ ମାମଲା ରୁଜୁ କରି ଅଭିଯୁକ୍ତ ମାନଙ୍କୁ ଗିରଫ କରାଯାଇ ଅଦାଲତକୁ ଚାଲାଣ କରାଯାଇଛି।
Popular Categories
Previous article
Next article