ଲଖନଉ : ଜଙ୍ଗଲ ନଷ୍ଟ ହେବା ଏବଂ ଜଙ୍ଗଲ ରାସ୍ତା କାଟିବା କାରଣରୁ ଅଧିକାଂଶ ସମୟରେ ବନ୍ୟଜନ୍ତୁ ମାନେ ଜନବସତି ମଧ୍ୟକୁ ପ୍ରବେଶ କରୁଥିବା ଦେଖାଯାଉଛି। ଅନେକ ଥର ବନ୍ୟଜନ୍ତୁ ଖାଦ୍ୟ କିମ୍ବା ଶିକାର ସନ୍ଧାନରେ ଜନବସତି ଅଞ୍ଚଳରେ ବୁଲୁଥିବାର ଦେଖାଯାଏ। ବନ୍ୟଜନ୍ତୁଙ୍କ ଜୀବନ ସହ ଜଡିତ ଅନେକ ଭିଡିଓ ସୋସିଆଲ ମିଡିଆରେ ପ୍ରତିଦିନ ଦେଖାଯାଉଛି। ସେଥିମଧ୍ୟରୁ କିଛି ହୃଦୟ ବିଦାରକ ହୋଇଥିବାବେଳେ କିଛି ଆଶ୍ଚର୍ୟ୍ୟଜନକ। କିନ୍ତୁ ନିକଟରେ ଭାଇରାଲ ହେଉଥିବା ଏକ ବାଘର ଏହି ଭିଡିଓ ଦେଖି ଆପଣ ମଧ୍ୟ ଚକିତ ହୋଇଯିବେ। ଭିଡିଓରେ,ଏକ ବାଘ ଏକ ଧାନ କ୍ଷେତରେ ଆରାମରେ ଚାଲୁଥିବାର ଦେଖାଯାଉଛି। ଏହାସହ ଅଳ୍ପ ଦୂରରେ ଜଣେ କୃଷକ କ୍ଷେତରେ ଟ୍ରାକ୍ଟର ଦ୍ୱାରା ଚାଷ କାର୍ଯ୍ୟ କରୁଥିବା ମଧ୍ୟ ଦେଖାଯାଉଛି।
This is Pilibhit, UP
A tiger roaming in the field & in the background farmer plowing the field.
Video shot by another farmer. pic.twitter.com/LXjOv1HVho— Raj Lakhani (@captrajlakhani) July 12, 2023
ଏହି ଭିଡିଓ ଟ୍ୱିଟରରେ ସେୟାର କରାଯାଇଛି । ଯେଉଁଥିରେ ଏକ ବାଘ ସବୁଜ ଧାନ କ୍ଷେତରେ ଆରାମରେ ଚାଲୁଥିବାର ଦେଖାଯାଉଛି। ଭିଡିଓରେ, ବାଘଠାରୁ ଅଳ୍ପ ଦୂରରେ ଜଣେ କୃଷକ ନିଜ ଜମିକୁ ଟ୍ରାକ୍ଟର ସାହାଯ୍ୟରେ ଚାଷ କାର୍ଯ୍ୟ କରୁଥିବା ମଧ୍ୟ ଦେଖାଯାଉଛି। ଭିଡିଓକୁ ଦେଖିଲେ ଲାଗୁଛି ଯେପରି ଚାଷୀ ଜଣକ, ବାଘଟି ସେହି କ୍ଷେତରେ ଥିବା ନେଇ କୌଣସି ଧାରଣା ନାହିଁ। ସେ ଆଦୌ ବାଘକୁ ଦେଖି ନାହାଁନ୍ତି ଓ ତାଙ୍କ ବ୍ୟତୀତ ଏକ ବାଘ ମଧ୍ୟ କ୍ଷେତରେ ଉପସ୍ଥିତ ଅଛି । ଏହି ଚମତ୍କାର ଭିଡିଓଟି ଉତ୍ତରପ୍ରଦେଶର ପିଲିଭିତ୍ର ବୋଲି କୁହାଯାଉଛି। ମାତ୍ର ୫୨ ସେକେଣ୍ଡର ଏହି ଭିଡିଓକୁ ବର୍ତ୍ତମାନ ପର୍ୟ୍ୟନ୍ତ ଅନେକ ଲୋକେ ଦେଖି ସାରିଲେଣି।
