ମୁମ୍ବଇ : ସଡକ ଦୁର୍ଘଟଣାରେ ଏକ ବାଘର ମୃତ୍ୟୁ ହୋଇଛି। ଏହି ଘଟଣା ମହାରାଷ୍ଟ୍ରର ଗୋନ୍ଦିୟା ସହର ଠାରୁ ପ୍ରାୟ ୩୦ କିଲୋମିଟର ଦୂର ମୁରଦୋଲୀ ଜଙ୍ଗଲ ରାସ୍ତାରେ ଘଟିଛି। ଏହି ଜଙ୍ଗଲୀ ରାସ୍ତା ନବେଗାଁ-ନାଗଝିରା ବନ୍ୟଜନ୍ତୁ ସଂରକ୍ଷଣ ସଂସ୍ଥାନ ସହ ଜଡିତ। ଏହି ରାସ୍ତା ଦେଇ ଅଧିକାଂଶ ସମୟରେ ବନ୍ୟଜନ୍ତୁ ଯାତାୟତ କରିଥାଆନ୍ତି। ମାତ୍ର ରାସ୍ତା ପାର୍ କରୁଥିବା ସମୟରେ ଅନେକଙ୍କ ମୃତ୍ୟୁ ହୋଇଥାଏ। ଏଭଳି ହିଁ ଏକ ଘଟଣା ବର୍ତ୍ତମାନ ସାମ୍ନାକୁ ଆସିଛି। ରାସ୍ତା ପାର୍ ସମୟରେ ବାଘଟିର ଜୀବନ ଚାଲିଯାଇଛି। ଏକ ଦ୍ରୁତ ଗତିରେ ଯାଉଥିବା କାର୍ ବାଘଟିକୁ ଧକ୍କା ଦେଇଥିଲା। ଫଳରେ ବାଘଟିର ଅବସ୍ଥା ଗୁରୁତର ହେବା ପରେ ଶୁକ୍ରବାର ବାଘଟିର ମୃତ୍ୟୁ ଘଟିଥିଲା। ବନ ବିଭାଗର ଜଣେ ବରିଷ୍ଠ ଅଧିକାରୀ ଏହି ଘଟଣା ବିଷୟରେ ସୂଚନା ଦେଇଛନ୍ତି। ଏହି ଦୁର୍ଘଟଣାର ଭିଡିଓ ଏବେ ଭାଇରାଲ ହେଉଛି।
How many more in the name of road #development? A male #tiger critical after it was hit by a vehicle in #Nagzira buffer in #Murdoli. @PMOIndia @nitin_gadkari @NHAI_Official @byadavbjp @SPYadavIFS @Dev_Fadnavis @ntca_india @SunilWarrier1 @TOI_Nagpur @TOICitiesNews @SMungantiwar pic.twitter.com/5vl3KtTHFa
— Vijay Pinjarkar (@vijayp091) August 11, 2023
ସୂଚନାନୁଯାୟୀ, ଗୁରୁବାର ରାତି ପ୍ରାୟ ୧୦ଟାରେ କୋହମାରା-ଗୋନ୍ଦିଆ ମାର୍ଗରେ ସ୍ଥିତ ମୁରଦୋଲୀ ଜଙ୍ଗଲ ରାସ୍ତାକୁ ପାର୍ କରୁଥିବା ଏକ ୨ ବର୍ଷର ବୟସର ବାଘକୁ କାର୍ ଧକ୍କା ଦେଇଥିଲା। ବାଘଟି ଘୋଷାଡି ହୋଇ ବୁଦା ମଧ୍ୟକୁ ପଳାଇଥିଲା। ସେଠାରେ ଥିବା କିଛି ଲୋକେ ଘଟଣା ବିଷୟରେ ବନ ବିଭାଗକୁ ଖବର ଦେଇଥିଲେ। ଏହାପରେ ବାଘଟିକୁ ବନ୍ୟଜନ୍ତୁଙ୍କ ଡାକ୍ତରଖାନାକୁ ନେବା ବାଟରେ ତା’ର ମୃତ୍ୟୁ ହୋଇଥିଲା।
