ନୂଆଦିଲ୍ଲୀ : ରାଜଧାନୀ ଦିଲ୍ଲୀର ଅନେକ ଅଞ୍ଚଳରେ ବନ୍ୟା ପରିସ୍ଥିତି ଦେଖାଦେଇଛି। ହାଥନି କୁଣ୍ଡ ବ୍ୟାରେଜରୁ ଜଳ ଛଡାଯିବା ପରେ ଯମୁନା ନଦୀର ଜଳ ଦ୍ରୁତ ଗତିରେ ବୃଦ୍ଧି ପାଉଛି। ଗୁରୁବାର ସକାଳ ୭ ଟାରେ ଯମୁନାର ଜଳ ସ୍ତର ୨୦୮.୪୬ ମିଟରରେ ପହଞ୍ଚିଛି। ରାଜଧାନୀ ଦିଲ୍ଲୀର ଯମୁନାର ଜଳ ସ୍ତର ବୃଦ୍ଧି ହେତୁ ନିମ୍ନମାନର ଅଞ୍ଚଳରେ ବନ୍ୟା ପରିସ୍ଥିତି ସୃଷ୍ଟି ହୋଇଛି। ଦିଲ୍ଲୀର କିଛି ରାସ୍ତା ସମ୍ପୂର୍ଣ୍ଣ ବନ୍ଦ ହୋଇଯାଇଛି। ବନ୍ୟା ପରିସ୍ଥିତି ସମ୍ପର୍କରେ ଆଲୋଚନା ପାଇଁ ଦିଲ୍ଲୀ ବିପର୍ୟ୍ୟୟ ପରିଚାଳନା ପ୍ରାଧିକରଣର ଏକ ବୈଠକ ଡକାଯାଇଛି।
ପ୍ରବଳ ବର୍ଷା ପରେ ହିମାଚଳରେ ସ୍ଥିତି ଭୟଙ୍କର ହୋଇଛି। ବିଭିନ୍ନ ରାଜ୍ୟରେ ବନ୍ୟା ପରିସ୍ଥିତି ଦେଖାଦେଇଛି। ବୃଦ୍ଧି ପାଉଛି ଯମୁନା ନଦୀର ଜଳସ୍ତର। ପ୍ରାୟ ୫୦ ବର୍ଷର ଜଳସ୍ତର ରେକର୍ଡ ଭାଙ୍ଗିଛି। ଦିଲ୍ଲୀର ତଳିଆ ଅଞ୍ଚଳ ଜଳମଗ୍ନ ହୋଇଛି। ୧୬ ହଜାରରୁ ଅଧିକ ଲୋକଙ୍କୁ ସ୍ଥାନାନ୍ତରିତ କରାଯାଇଛି।
ଉତ୍ତରରେ ବର୍ଷା ବିତ୍ପାତ ଜାରି ରହିଛି। ଦିନକରେ ଆଉ ୨୫ ଜଣଙ୍କ ମୃତ୍ୟୁ ଘଟିଛି। ଏହାସହ ମୃତ୍ୟୁ ସଂଖ୍ୟା ୧୧୬କୁ ବୃଦ୍ଧି ପାଇଛି। ଫଳରେ ସ୍ଥିତି ଜଟିଳ ରହିଛି। ହିମାଚଳପ୍ରଦେଶ, ଉତ୍ତରାଖଣ୍ଡ, ପଞ୍ଜାବ,ହରିୟାଣାରେ ବନ୍ୟା ପରିସ୍ଥିତି ଦେଖାଯାଇଛି। ଉତ୍ତରପ୍ରଦେଶରେ ୨୪ ଘଣ୍ଟାରେ ସର୍ବାଧିକ ୧୩ ଜଣଙ୍କ ମୃତ୍ୟୁ ଘଟିଛି।
ବଢୁଛି ଯମୁନା ଜଳସ୍ତର, ତଳିଆ ଅଞ୍ଚଳ ଜଳମଗ୍ନ
Popular Categories
Previous article
Next article