ଗୁଣୁପୁର: ବହୁଚର୍ଚ୍ଚିତ ଏନଜିଓ ନିର୍ଦେଶକ ଗୌରୀ ମିଶ୍ର ହତ୍ୟାକାଣ୍ଡ ମାମଲାରେ ଗୁଣୁପୁର ପୁଲିସ୍ ଆଉ ଜଣକୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତ ହେଲେ ମୁନା ଲିମା। ଅଭିଯୁକ୍ତର ଘର ଗୁଣପୁର ଆମ୍ବେଦନଗର ବୋଲି ଜଣାପଡ଼ିଛି । ସୂଚନା ଅନୁସାରେ, ମୁନା ଲିମା ଫେରାର୍ ଥିବାବେଳେ ଗୁଣୁପୁର ପୁଲିସ୍ ମୁନାକୁ ଆର୍.ଉଦୟଗିରିଠାରୁ ଉଠାଇ ଆଣିଥିଲା । ଗୌରୀ ମିଶ୍ର ଓ ସୁପାରିକିଲର ଭି.ରାଜେସ୍ ହତ୍ୟାକାଣ୍ଡ ଘଟଣାରେ ପୂର୍ବରୁ ୯ ଜଣ ଅଭିଯୁକ୍ତ ଗିରଫ ହୋଇଥିଲେ । ବର୍ତ୍ତମାନ ସୁଦ୍ଧା ମୁନା ସମେତ ୧୦ ଜଣ ଅଭିଯୁକ୍ତକୁ ଗିରଫ ହୋଇସାରିଲେଣି। ଏହି ଘଟଣାରେ ଆଉ ଜଣେ ଅଭିଯୁକ୍ତ ଫେରାର୍ ରହିଥିବା ଜଣାପଡ଼ିଛି। ପ୍ରକାଶ ଯେ, ଗତ ମେ ୧୩ ତାରିଖରେ ଗୌରୀ ମିଶ୍ରକୁ ଗୁଣପୁର ବଂଶଧାରା ବ୍ରିଜ ଉପରେ ଜମିଜମା ବିବାଦକୁ ନେଇ ଗୁଳି କରି ହତ୍ୟା କରାଯାଇଥିଲା । ହତ୍ୟାକାଣ୍ଡ ପାଇଁ ଭି.ରାଜେସକୁ ସୁପାରି ଦେଇଥିଲେ।
Comments are closed.