ନୂଆଦିଲ୍ଲୀ : କେନ୍ଦ୍ର ମନ୍ତ୍ରୀ ଡି.ଭି ସଦାନନ୍ଦ ଗୌଡ଼ାଙ୍କୁ ରସାୟନ ଏବଂ ସାର ମନ୍ତ୍ରାଳୟର ଅତିରିକ୍ତ ଦାୟିତ୍ୱ ଦିଆଯାଇଛି। ଏହାବାଦ୍ ନରେନ୍ଦ୍ର କୁମାରଙ୍କୁ ସଂସଦୀୟ କାର୍ଯ୍ୟ ମନ୍ତ୍ରାଳୟର ଅତିରିକ୍ତ ଦାୟିତ୍ୱ ପ୍ରଦାନ କରାଯାଇଛି। ମଙ୍ଗଳବାର ସନ୍ଧ୍ୟାରେ ଏନେଇ ସରକାରୀ ବିଜ୍ଞପ୍ତି ପ୍ରକାଶ ପାଇଛି।
ଦିବଂଗତ କେନ୍ଦ୍ର ସଂସଦୀୟ କାର୍ଯ୍ୟ ମନ୍ତ୍ରୀ ଅନନ୍ତ କୁମାରଙ୍କ ମଙ୍ଗଳବାର ରାଷ୍ଟ୍ରୀୟ ସମ୍ମାନ ସହ ଅନ୍ତିମ ସଂସ୍କାର ଶେଷ ହୋଇଛି। ଏହି ଅବସରରେ ବିଜେପି ବରିଷ୍ଠ ନେତା ଏବଂ ପୂର୍ବତନ ଉପପ୍ରଧାନମନ୍ତ୍ରୀ ଲାଲକୃଷ୍ଣ ଆଡଭାଣୀ, ଗୃହ ମନ୍ତ୍ରୀ ରାଜନାଥ ସିଂହ, ବିଜେପି ଅଧ୍ୟକ୍ଷ ଅମିତ ଶାହା, କର୍ଣ୍ଣାଟକ ବିଜେପି ସଭାପତି ବି.ଏସ୍ ୟେଦୁରପ୍ପା ଏବଂ ଆରଏସ୍ଏସ୍ ମହାସଚିବ ଭୟ୍ୟାଜୀ ଯୋଶୀ, କେନ୍ଦ୍ର ମନ୍ତ୍ରୀ ନିର୍ମଳା ସୀତାରମଣ, ରବି ଶଙ୍କର ପ୍ରସାଦ, ପିୟୁଷ ଗୋଏଲ, ଧମେନ୍ଦ୍ର ପ୍ରଧାନ, ମହେଶ ଶର୍ମା, ବିଜୟ ଗୋଏଲ ଏବଂ ସଦାନନ୍ଦ ଗୌଡ଼ା ଉପସ୍ଥିତ ଥିଲେ।
