ନୂଆଦିଲ୍ଲୀ : ବିହାର ମୁଖ୍ୟମନ୍ତ୍ରୀ ତଥା ଜେଡିୟୁ ସଭାପତି ନୀତୀଶ କୁମାର ପୁନର୍ବାର ବିଜେପି ନେତୃତ୍ବ ଜାତୀୟ ଗଣତାନ୍ତ୍ରିକ ମେଣ୍ଟ (ଏନଡିଏ)କୁ ଫେରିବା ନେଇ ଚର୍ଚ୍ଚା ଆରମ୍ଭ ହୋଇଛି । ଏହି ଚର୍ଚ୍ଚା କ୍ରମରେ ନୀତୀଶ ସୋମବାର ସନ୍ଧ୍ୟାରେ ଅଘୋଷିତ ଭାବେ ରାଜ୍ୟସଭା ଉପାଧ୍ୟକ୍ଷ ହରିବଂଶ ନାରାୟଣ ସିଂହଙ୍କୁ ସାକ୍ଷାତ କରିଥିବା ଜଣାଯାଇଛି। ଉଭୟ ମଧ୍ୟରେ ପ୍ରାୟ ୨୫ ମିନିଟ୍ ସାକ୍ଷାତ ଆଲୋଚନା ହୋଇଥିଲା। ବିହାର ଉପମୁଖ୍ୟମନ୍ତ୍ରୀ ତେଜସ୍ବୀ ଯାଦବଙ୍କ ବିରୋଧରେ ସିବିଆଇ ଅଭିଯୋଗଫର୍ଦ ଦାଖଲ କରିଥିବାରୁ ନୀତୀଶ ଏପରି ସାକ୍ଷାତ କରିଥିବା କୁହାଯାଉଛି । ରାଜନୈତିକ ପାଣିପାଗକୁ ଠିକ୍ ଆକଳନ କରିପାରୁଥିବା ନୀତୀଶ ନିୟମିତ ଭାବେ ମେଣ୍ଟ ପରିବର୍ତ୍ତନ କରି କ୍ଷମତାରେ ରହିଆସୁଛନ୍ତି । ଗତବର୍ଷ ନୀତୀଶ ବିଜେପି ଠାରୁ ମେଣ୍ଟ ସମ୍ପର୍କ ତୁଟାଇ ଆରଜେଡି-କଂଗ୍ରେସ ମେଣ୍ଟରେ ସାମିଲ ହୋଇଥିଲେ। ହରିବଂଶଙ୍କୁ ନୀତୀଶଙ୍କ ସାକ୍ଷାତ ନେଇ ରାଜନୈତିକ ଚର୍ଚ୍ଚା ଜୋର ଧରିଥିବାବେଳେ ଏହାକୁ ଜେଡିୟୁ ନେତା ଅଶୋକ ଚୌଧୁରୀ ଖଣ୍ଡନ କରିଛନ୍ତି । ଚୌଧୁରୀ କହିଛନ୍ତି ଯେ ହରିବଂଶ ଜେଡିୟୁର ସାଂସଦ। ତେଣୁ ତାଙ୍କୁ ନୀତୀଶ ସାକ୍ଷାତ କରିବା ପଛରେ କୌଣସି ପ୍ରକାର ଭିନ୍ନ ଆଲୋଚନା କରାଯିବା ଉଚିତ୍ ନୁହେଁ।
Popular Categories
Previous article
Next article