ଗୁରୁଡିଝାଟିଆ : କଖଡି ସରକାରୀ ଉଚ୍ଚ ବିଦ୍ୟାଳୟରେ ବନମହୋତ୍ସବ ଉପଲକ୍ଷେ ଚାରା ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଖୁଣ୍ଟୁଣୀ ବନାଞ୍ଚଳ ପକ୍ଷରୁ ଅନୁଷ୍ଠିତ ଏହି କାର୍ଯ୍ୟକ୍ରମରେ ବିଦ୍ୟାଳୟ ପ୍ରଧାନଶିକ୍ଷକ ରଣଜିତ୍ ନାୟକ ଅଧ୍ୟକ୍ଷତା କରି ଉପସ୍ଥିତ ବିଦ୍ୟାର୍ଥୀଙ୍କୁ ପରିବେଶମନସ୍କ ହେବା ନିମନ୍ତେ ବୁଝାଇଥିଲେ । ସ୍ଥାନୀୟ ସରପଞ୍ଚ କଳ୍ପନା ଛତାର ମୁଖ୍ୟ ଅତିଥି ଭାବରେ ଯୋଗଦେଇ ବିଦ୍ୟାଳୟ ପରିସରରେ ଚାରା ରୋପଣ କରିବା ସହ ସୁନ୍ଦର ଓ ସୁସ୍ଥ ପୃଥିବୀ ପାଇଁ ବିଦ୍ୟାର୍ଥୀମାନଙ୍କ ଭୂମିକା ବେଶ ଗୁରୁତ୍ୱପୂର୍ଣ୍ଣ ବୋଲି କହିବା ସହ ବୃକ୍ଷ ଚାରା ରୋପଣ ଦିଗରେ ଆଗ୍ରହ ପ୍ରକାଶ ପାଇଁ କହିଥିଲେ । କାର୍ଯ୍ୟକ୍ରମରେ ବିଦ୍ୟାଳୟ ପରିଚଳାନା କମିଟି ସଭାପତି ନାରାୟଣ ସାହୁ ବରିଷ୍ଠ ଶିକ୍ଷକ ପ୍ରଶାନ୍ତ ରାଉତ, ସୁକାନ୍ତ ନାୟକ, କୈଳାସ ଚନ୍ଦ୍ର ବେହେରା, ହେମନ୍ତ ସାହୁଙ୍କ ସହିତ ବନବିଭାଗର କର୍ମଚାରୀମାନେ ଉପସ୍ଥିତ ଥିଲେ। ଏହି ଅବସରରେ ଲୋକକଳା ପାଲା ଦ୍ୱାରା ସୁସ୍ଥ ପରିବେଶ ସଂପର୍କରେ ବୃକ୍ଷର ଭୂମିକା ଯେ କେତେ ଗୁରୁତ୍ୱପୂର୍ଣ୍ଣ ସେ ନେଇ ସଚେତନ କାରାଯାଇଥିଲା।
Comments are closed.