ଗୁରୁଡିଝାଟିଆ : ଘଣ୍ଟିଖାଲ ପଞ୍ଚାୟତ ଅନ୍ତର୍ଗତ ଚନ୍ଦ୍ରାବଳୀଶ୍ୟାମପୁର ଠାରେ ଅବସ୍ଥିତ ଶ୍ରୀ ସିମେଣ୍ଟ କାରଖାନା ପରିସରରେ ଆନ୍ତର୍ଜାତିକ ଯୋଗଦିବସ ପାଳିତ ହୋଇଛି । କାରଖାନାର ୟୁନିଟ ମୁଖ୍ୟ ସର୍ବେଶ୍ୱର ମହାନ୍ତି ଯୋଗ ଶିବିରକୁ ଉଦଘାଟନ କରି କହିଥିଲେ, ଯୋଗ ମନ ଓ ଶରୀରକୁ ସତେଜ ଓ ପ୍ରଫୁଲିତ କରି ରଖିବା ସହିତ କାର୍ଯ୍ୟକ୍ଷେତ୍ରରେ ସକାରାତ୍ମକ ଉର୍ଜା ପ୍ରଦାନ କରିଥାଏ । କାର୍ଯ୍ୟକ୍ଷେତ୍ରରେ ଚାପସ୍ତରକୁ ଲାଘବ କରି ଏକ ସନ୍ତୁଳିତ ଅବସ୍ଥାକୁ ଆଣିବା ସହିତ ନିରୋଗ ରଖିଥାଏ। ତେଣୁ ପ୍ରତ୍ୟେକ ଜନସାଧାରଣ ଓ କାରଖାନା କର୍ମଚାରୀ ଦୈନନ୍ଦିନ ଯୋଗକୁ ଜୀବନର ଅଂଶ ଭାବରେ ଗ୍ରହଣ କରି କାର୍ଯ୍ୟ କରିବା କ୍ଷେତ୍ରରେ ଗୁରୁତ୍ୱାରୋପ କରିଥିଲେ। କାରଖାନାର ପ୍ରବନ୍ଧକ ଦୀପନ୍ଦର ଭରଦ୍ୱାଜଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଅନୁଷ୍ଠିତ ଯୋଗ ଶିବିରରେ କର୍ମଚାରୀମାନେ ଯୋଗ କରିଥିଲେ। ଯୋଗ ପ୍ରଶିକ୍ଷକ ନିଗମାନନ୍ଦ ସ୍ୱାଇଁ ଉପସ୍ଥିତ କର୍ମଚାରୀଙ୍କୁ ଯୋଗ ପ୍ରଶିକ୍ଷଣ ଦେବା ସହ ଏହାର ଉପକାରିତା ସଂପର୍କରେ ବିଶଦ ଭାବେ ଆଲୋକପାତ କରିଥିଲେ । କାରଖାନା ମାନବ ସମ୍ବଳ ବିଭାଗର ମୁଖ୍ୟ ପ୍ରବନ୍ଧକ ପ୍ରଦୀପ କୁମାର ଭୋଇ କାର୍ଯ୍ୟକ୍ରମ ପରିଚାଳନା କରିବା ସହ ଧନ୍ୟବାଦ ଅର୍ପଣ କରିଥିଲେ ।
Comments are closed.