ଗୁରୁଡିଝାଟିଆ : କଖଡିରେ ମହାପ୍ରଭୁ ଜଗନ୍ନାଥଙ୍କ ପବିତ୍ର ରଥଯାତ୍ରା ଶାସ୍ତ୍ରୀୟ ବିଧିମୁତାବକ ମଙ୍ଗଳବାର ଅପରାହ୍ନରେ ଅନୁଷ୍ଠିତ ହୋଇଯାଇଛି । ମହାପ୍ରଭୁ ପହଣ୍ଡି ବିଜେ ହୋଇଥିଲେ। ପ୍ରଭୁଙ୍କ ସେବକ ଭାବରେ ରଥରେ ଚନ୍ଦ୍ରଶେଖର ପରିଡା ସେବାକାର୍ଯ୍ୟ କରିବା ପରେ ରଥଟଣା ହୋଇଥିଲା। ପାଲାତୋଟା ଠାରୁ ଶହଶହ ଶ୍ରଦ୍ଧାଳୁ ରଥାରୁଢ ମହାପ୍ରଭୂଙ୍କୁ ଟାଣି ବଜାର ସାହିସ୍ଥ ମାଉସୀ ମାଆ ମନ୍ଦିରକୁ ନେଇଥିଲେ। ଗାଁ କମିଟି ସଭାପତି ଦିଲ୍ଳିପ ଛତାର, ଦେବୋତ୍ତର ସୁପରଭାଇଜର ସନାତନ ମହାନ୍ତି, ଅଫିସର ନାୟକ, ସ୍ୱାଧୀନ ରାଉତ, ଜ୍ୟୋତିପ୍ରକାଶ ସାହୁ,ବିଶ୍ୱନାଥ ବେହେରା, ମାୟାଧର ଦଳାଇଙ୍କ ପ୍ରତ୍ୟେକ୍ଷ ଉପସ୍ଥିତିରେ ରଥଟଣା କାର୍ଯ୍ୟ ସଂପନ୍ନ ହୋଇଥିଲା । ପୂଜକ ଶକ୍ତିପ୍ରସାଦ ପତି ପ୍ରଭୁଙ୍କ ନୀତିକାର୍ଯ୍ୟ ସଂପନ୍ନ କରିଥିଲେ। ଶାନ୍ତିଶୃଙ୍ଖଳା ରକ୍ଷା ପାଇଁ ଚୌଦ୍ୱାର ଥାନା ପୁଲିସ ମୁତୟନ ହୋଇଥିଲେ ।
Comments are closed.