ଗୁରୁଡିଝାଟିଆ : ଘଣ୍ଟିଖାଲ ପଞ୍ଚାୟତ ରାଧାଶ୍ୟାମପୁର ଠାରେ ପ୍ରତିଷ୍ଠିତ ଜେ. କେ ଲକ୍ଷ୍ମୀ ସିମେଣ୍ଟ କାରଖାନ ପରିସରରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଛି । ଜେକେ ଫାଉଣ୍ଡେସନର ସଭାପତି ସ୍ୱର୍ଗତ ହରିଶଙ୍କର ସିଂଘାଣିଆଙ୍କ ଜନ୍ମଦିବସ ଉପଲକ୍ଷେ ଆୟୋଜିତ ଏହି ରକ୍ତଦାନ ଶିବିରକୁ କାରଖାନା ମୁଖ୍ୟ ପରିଚାଳକ ଗିରୀଶ ତିୱାରୀ ଉଦଘାଟନ କରି ରକ୍ତଦାତା ହିଁ ଯଥାର୍ଥ ନିସ୍ୱାର୍ଥପର ସେବକ । ସେମାନଙ୍କ ବୁନ୍ଦେ ବୁନ୍ଦେ ରକ୍ତ ମୁର୍ମୁଷୁ ରୋଗୀମୁହଁରେ ବଞ୍ଚିବାର ଆଶା ଓ ଭରଷା ଦେଇଥାଏ ବୋଲି କହିବା ସହ ରକ୍ତଦାତାମାନଙ୍କୁ ଉତ୍ସାହିତ କରିଥିଲେ । କେନ୍ଦ୍ରିୟ ରେଡକ୍ରସ ରକ୍ତ ଭଣ୍ଡାରର ଚିକିତ୍ସକ ଡାକ୍ତର ଉମାକାନ୍ତ ମହାପାତ୍ର ଓ କର୍ମଚାରୀମାନେ ରକ୍ତ ସଂଗ୍ରହ କରିଥିଲେ । କାରଖାନାର ମାନବ ସମ୍ବଳ ଅଧିକାରୀ ଦିଲ୍ଲିପ ମିଶ୍ର, ପାରିପାର୍ଶ୍ବିକ ଉନ୍ନୟନ ଅଧିକାରୀ ଶୁଶୀଲ ରାଉତ ରକ୍ତଦାନ ଶିବିରକୁ ପରିଚାଳନା କରିଥିବା ବେଳେ ବିଜୟ କୁମାର ପ୍ରଧାନ,ସୃଜନ ସିଂ, ଭବାନୀ ଶଙ୍କର ପତି, ସୌରଭ ପଣ୍ଡା, ବଳରାମ ବେହେରା ଓ ସାମ୍ବାଦିକ ସଞ୍ଜୟ ପଣ୍ଡା ଉପସ୍ଥିତ ରହି ସହଯୋଗ କରିଥିଲେ।
Comments are closed.