ଚୌଦ୍ୱାର: କଳିଙ୍ଗ ଛକସ୍ଥିତ ଚୌଦ୍ୱାର ମହିଳା ମହାବିଦ୍ୟାଳୟ ସମ୍ମୁଖରେ ଥିବା ଉତ୍କଳ ଗୌରବ ମଧୁସୁଦନଙ୍କ ପ୍ରତିମୁର୍ତ୍ତି ଚତୁପାର୍ଶ୍ବରେ ସୌନ୍ଦର୍ଯ୍ୟକରଣ ବ୍ୟବସ୍ଥା କରାଯାଇଛି । ଚୌଦ୍ୱାର ପୌରପାଳିକା ତରଫରୁ ତିନିଲକ୍ଷ ଟଙ୍କା ବ୍ୟୟରେ ପ୍ରତିମୁର୍ତ୍ତି ଚତୁର୍ପାଶ୍ୱରେ ଷ୍ଟିଲ ବାଡ଼ ନିର୍ମାଣ ଓ ମାର୍ବଲ ସଂଯୋଗିକରଣ କରାଯାଇ ପ୍ରତିମୁର୍ତ୍ତି ପରିସରକୁ ସୁଦୃଶ୍ୟ କରାଯାଇଛି। ଏହି କାର୍ଯ୍ୟକ୍ରମକୁ ଚୌଦ୍ୱାର କଟକ ବିଧାୟକ ସୌଭିକ୍ ବିଶ୍ୱାଳ ଉଦଘାଟନ କରିଥିଲେ। ପୌରାଧ୍ୟକ୍ଷା ମାନସୀ ସ୍ୱର୍ଣ୍ଣପ୍ରଭା ସାମଲ, ଉପାଧ୍ୟକ୍ଷ ଶୁଭେନ୍ଦୁ ସାମଲ, ପୌର ନିର୍ବାହୀ ଅଧିକାରୀ ସଂଜୀବ କୁମାର ମହାପାତ୍ର, ବିଜେଡ଼ି ନଗର ସଭାପତି ବିଷ୍ଣୁ ଚରଣ ପରିଡ଼ା, ବିଜେଡ଼ି ରାଜ୍ୟ ଯୁଗ୍ମ ସମ୍ପାଦକ ଅର୍ଜୁନ ପଣ୍ଡା, ନଗର ମହିଳା ସଭାପତି କବିତାରାଣୀ ଲେଙ୍କା, କାଉନସିଲର ରଙ୍ଗଲତା ସାହୁ, ସୁଜାତା ସାହୁ, ଆଶୁତୋଷ ଦାସ, ଜିଲା ସମ୍ପାଦିକା ସସ୍ମିତା ନାୟକଙ୍କ ସମେତ ବହୁ କାଉନସିଲର ଓ ସ୍ଥାନୀୟ ଜନ ସାଧାରଣ ଏଥିରେ ଉପସ୍ଥିତ ଥିଲେ। ଏହି ଅବସରରେ ୯ ନମ୍ବର ୱାର୍ଡ଼ରେ ୮ଲକ୍ଷ ଟଙ୍କା ବ୍ୟୟରେ ନିର୍ମିତ ପେଭର ରୋଡ଼ ଓ ଡ୍ରେନକୁ ବିଧାୟକ ଶ୍ରୀ ବିଶ୍ୱାଳ ଲୋକାର୍ପିତ କରିଥିଲେ।
Comments are closed.