ବଡମ୍ବା: ନରସିଂହପୁରର ବରିଷ୍ଠ ଆଇନଜୀବୀ ଭାଗିରଥି ମିଶ୍ରଙ୍କ ବିୟୋଗରେ ବଡ଼ମ୍ବାର ବିଭିନ୍ନ ମହଲରେ ଗଭୀର ଶୋକପ୍ରକାଶ ପାଇଛି। ସ୍ୱର୍ଗତ ମିଶ୍ରଙ୍କୁ ସ୍ଥାନୀୟ ଓକିଲ ସଂଘ ତରଫରୁ ଅଦାଲତ ପରିସରରେ ଏବଂ ବ୍ଲକ କାର୍ଯ୍ୟାଳୟ ସମ୍ମୁଖରେ ବ୍ଲକ ବିଜେଡି ଦଳ ତରଫରୁ ଶ୍ରଦ୍ଧାଞ୍ଜଳି ପ୍ରଦାନ କରାଯାଇଥିଲା । ଆଇନଜୀବୀ ସ୍ୱର୍ଗତ ମିଶ୍ରଙ୍କ ପାର୍ଥିବ ଶରୀରରେ ଆଇନଜୀବୀ କୈଳାସ ଚନ୍ଦ୍ର ଜେନା, ସନ୍ତୋଷ କୁମାର ପଟ୍ଟନାୟକ, ନାରାୟଣ ଦାଶ, ବିଦୁଭୂଷଣ ମହାନ୍ତି, ବିଜୟ ମିଶ୍ର, ଦୁର୍ଗାପ୍ରସାଦ ସାହୁ, ସରୋଜ ବେଉରା, ପରେଶ ମହାନ୍ତି, ପ୍ରଶାନ୍ତ ନାୟକ, ଅମୂଲ୍ୟ ପାଣିଗ୍ରାହୀ, ଗିରିଜା ପ୍ରସାଦ ମିଶ୍ର, ମନୋଜ ପଣ୍ଡା, ଲକ୍ଷ୍ମୀ ପାଳ, ସଞ୍ଜୁ ଦେଈ, ଅମରେଶ ରଥ, ବିଷ୍ଣୁ ଆଚାର୍ଯ୍ୟ, ଅଖିଳ ଦାସ, ପ୍ରସନ୍ନ ମଲ୍ଲିକ ପ୍ରମୁଖ ଶ୍ରଦ୍ଧା ସୁମନ ଜଣାଇଥିଲେ । ବ୍ଲକ ବିଜେଡି ସଭାପତି ତଥା ଜିଲାପରିଷଦ ରବିନ୍ଦ୍ର କୁମାର ସାହୁ, ବ୍ଲକ ଅଧ୍ୟକ୍ଷ ରଘୁପତି ମହାନ୍ତି, ପୂର୍ବତନ ବ୍ଲକ ବିଜେଡି ସଭାପତି ସୁବାସ ସାହୁଙ୍କ ସମେତ ଦଳର ବହୁ ନେତା ଶେଷ ସମ୍ମାନ ପ୍ରଦର୍ଶନ କରିଥିଲେ । ପୁତ୍ର ଆଇନଜୀବୀ ଲଳିଟେନ୍ଦୁ ମିଶ୍ର ଓ ଶୋକାତୁର ପରିବାର ସଦସ୍ୟଙ୍କୁ ସମବେତ ନେତୃମଣ୍ଡଳୀ ଓ ଆଇନଜୀବୀମାନେ ଗଭୀର ଶୋକବ୍ୟକ୍ତ କରିବା ସହ ସମବେଦନା ଜଣାଇଥିଲେ । ବଡ଼ମ୍ବା ଓକିଲ ସଂଘ ତରଫରୁ ଏକ ଶୋକସଭା କରାଯାଇଥିଲା ।
Popular Categories
Previous article
Next article