ନୂଆପଡ଼ା : ବାଲେଶ୍ବର ବାହାନଗା ଏବଂ ଯାଜପୁର ରୋଡ଼ଠାରେ ଘଟିଥିବା ‘ଟ୍ରେନ ଦୁର୍ଘଟଣା’ ମନରୁ ନ ଲିଭୁଣୁ ଗୁରୁବାର ରାତି ପ୍ରାୟ ୧୦ଟାବେଳେ ନୂଆପଡ଼ା ଜିଲା ଖରିଆର ରୋଡ ଷ୍ଟେସନଠାରେ ଦୁର୍ଗ-ପୁରୀ ଏକ୍ସପ୍ରେସ୍ର ଏସି ବଗିରେ ନିଆଁ ଲାଗିବା ଯାତ୍ରୀଙ୍କ ମଧ୍ୟରେ ଆତଙ୍କ ସୃଷ୍ଟି କରିଥିଲା। ତେବେ ଦମକଳବାହିନୀର ନିଆଁକୁ ଆୟତ୍ତ କରିଥିବାବେଳେ ସମସ୍ତ ଯାତ୍ରୀ ସୁରକ୍ଷିତ ରହିଥିବା ଜଣାପଡିଛି।
ସୂଚନା ଅନୁସାରେ, ଦୁର୍ଗ-ପୁରୀ ଇଣ୍ଟରସିଟି (୧୮୪୨୬) ଟ୍ରେନ ଖରିଆରରୋଡ ରେଲୱେ ଷ୍ଟେସନରେ ଆଜି ରାତି ପ୍ରାୟ ୧୦ଟା ୦୫ରେ ପହଞ୍ଚିଥିଲା। ତେବେ ଛତିଶଗଡ଼ ରାଜ୍ୟ ମହାସମୁନ୍ଦ ଜିଲା କୋମାଖାନା ନିକଟରେ ଟ୍ରେନର ଏସି ବଗି ତଳେ ନିଆଁ ଲାଗିଥିବା ଯାତ୍ରୀ ଜାଣିବାକୁ ପାଇଥିଲେ। ଏହାକୁ ନେଇ ରେଲୱେ କର୍ତ୍ତୃପକ୍ଷଙ୍କୁ ଜଣାଇଥିଲେ। ତେବେ ସେଠି ସୁରକ୍ଷା ବ୍ୟବସ୍ଥା ନଥିବା ଦୃଷ୍ଟିରୁ ରେଲୱେ କର୍ତ୍ତୃପକ୍ଷ ଟ୍ରେନକୁ ଖରିଆରରୋଡ ଷ୍ଟେସନକୁ ଆଣିଥିଲେ। ଟ୍ରେନର ଏସି ବଗି ନିକଟରେ ଚକର ବ୍ରେକ ବାଇଣ୍ଡିଂରେ ନିଆଁ ଲାଗି ଯାଇଥିଲା। ଏଥିରେ ପ୍ରବଳ ଧୂଆଁ ହେବାରୁ ଅସୁରକ୍ଷିତ ମନେ କରି ସବୁ ଯାତ୍ରୀ ଧାଁ ଧପଡ଼ ହୋଇ ଟ୍ରେନ୍ରୁ ଓହ୍ଲାଇ ପଡିଥିଲେ । ଷ୍ଟେସନ ସମ୍ପୂର୍ଣ୍ଣ ଧୂଆଁମୟ ହୋଇ ପଡ଼ିଥିଲା । ପୂର୍ବରୁ ପ୍ରସ୍ତୁତ ହୋଇ ରହିଥିବା ଖରିଆରରୋଡ ଅଗ୍ନିଶମ ବିଭାଗ କର୍ମଚାରୀ ଦୁଇଟି ଗାଡ଼ିରେ ଟ୍ରେନ୍ର ନିଆଁକୁ ଆୟତ୍ତ କରିଥିଲେ। ସମସ୍ତ ଯାତ୍ରୀ ସୁରକ୍ଷିତ ଥିବା ଷ୍ଟେସନ ମାଷ୍ଟର ସୂଚନା ଦେଇଛନ୍ତି। ଖରିଆର ରୋଡଠାରେ ଦୁର୍ଗ-ପୁରୀ ଏକ୍ସପ୍ରେସ୍ ସନ୍ଧ୍ୟା ୬ଟା ୫୩ରେ ପହଞ୍ଚି ୨ମିନିଟ ରହି ଷ୍ଟେସନ ଛାଡିଥାଏ। ତେବେ ଆଜି ଟ୍ରେନ୍ ବିଳମ୍ବରେ ୧୦ଟା ୦୫ରେ ପହଞ୍ଚିଥିବାବେଳେ ଦୀର୍ଘ ୫୯ ମିନିଟ୍ ପରେ ଅର୍ଥାତ୍ ୧୧ଟା ୦୪ରେ ଷ୍ଟେସନ ଛାଡ଼ିଥିଲା।
ଦୁର୍ଗ-ପୁରୀ ଏକ୍ସପ୍ରେସ୍ରେ ନିଆଁ
Popular Categories
Previous article
Next article