ପୁରୀ-ଦୁର୍ଗ ଏକ୍ସପ୍ରେସରେ ନିଆଁ ; ଯାତ୍ରୀ ସୁରକ୍ଷିତ

ଡେସ୍କ : ଦୁର୍ଗରୁ ପୁରୀ ଆସୁଥିବା ପୁରୀ-ଦୁର୍ଗ ଏକ୍ସପ୍ରେସରେ ନିଆଁ ଲାଗିଥିବା ନେଇ ସୂଚନା ମିଳିଛି ।  ଟ୍ରେନ୍‌ର ଏକ ବଗିରେ ନିଆଁ ଲାଗିଥିବା ଜଣାଯାଇଛି । ବ୍ରେକ୍-ସୁ ଘଷି ହେବା ପରେ ଗୋଟିଏ ଏସି ବଗିରେ  ନିଆଁ ଲାଗିଥିବା ସୂଚନା ମିଳିଛି । ତେବେ ନିଆଁ ଲାଗିବା ଯୋଗୁଁ ଯାତ୍ରୀମାନେ ଭୟଭୀତ ହୋଇ ପଡିଥିଲେ ମଧ୍ୟ ସମସ୍ତେ ସୁରକ୍ଷିତ ଅଛନ୍ତି । କାହାର କିଛି କ୍ଷତି ଘଟିନାହିଁ।

ତେବେ ନୂଆପଡ଼ାର ଖରିଆର ରୋଡ ଷ୍ଟେସନରେ ନିଆଁ ଆୟତ୍ତ ହୋଇଛି । ସ୍ଥାନୀୟ ଦମକଳ ବାହିନୀ ଦ୍ୱାରା ନିଆଁ ଆୟତ୍ତ କରାଯାଇଛି । ନିଆଁ ଆୟତ୍ତ ପରେ ଟ୍ରେନ୍ ପୁଣି ଗନ୍ତବ୍ୟ ପଥରେ ଯାତ୍ରା କରିଥିବା ଜଣାଯାଇଛି।