ଡେସ୍କ : ଦେଶରେ ଦ୍ରବ୍ୟ ଓ ସେବା କର (ଜିଏସ୍ଟି) ରାଜସ୍ବ ସଂଗ୍ରହ ବୃଦ୍ଧି ପାଇ ୧ଲକ୍ଷ ୫୭ହଜାର ୯୦ କୋଟି ଟଙ୍କାରେ ପହଞ୍ଚିଛି। ଗତ ମଇ ମାସରେ ଏହା ୧ ଲକ୍ଷ ୫୭ହଜାର ୯୦ କୋଟି ଟଙ୍କା ହୋଇଛି । ଗତ ବର୍ଷ ମଇ ମାସ ତୁଳନାରେ ଏହା ଶତକଡ଼ା ୧୨ ଭାଗ ଅଧିକ ରହିଛି । ତେବେ କେନ୍ଦ୍ରୀୟ ଜିଏସ୍ଟି ୨୮ ହଜାର ୪୪୧ କୋଟି ଟଙ୍କା ଥିବାବେଳେ ରାଜ୍ୟ ଗୁଡ଼ିକର ଜିଏସ୍ଟି ୩୫ହଜାର ୮୨୮ କୋଟି ଟଙ୍କା ରହିଛି । ସେହିଭଳି ଆଇଜିଏସ୍ଟି ୮୧ହଜାର ୩୬୩ କୋଟି ଟଙ୍କା ଓ ସେସ୍ ୧୧ହଜାର ୪୮୯ କୋଟି ଟଙ୍କା ରହିଛି।
ଅନ୍ୟପକ୍ଷରେ ମୋଟ ଜିଏସ୍ଟି କ୍ଷେତ୍ରରେ ଓଡିଶା ଚଳିତ ବର୍ଷ ମଇ ମାସରେ ୧୧.୧୭% ଅଭିବୃଦ୍ଧି ହାସଲ କରି ୪୩୯୭.୭୩ କୋଟି ଟଙ୍କା ସଂଗ୍ରହ କରିଛି । ଗତବର୍ଷ ମଇ ମାସରେ ଏହି ସଂଗ୍ରହ ୩୯୫୫.୭୫ କୋଟି ଟଙ୍କା ଥିଲା । ଚଳିତ ବର୍ଷ ମଇ ମାସ ସୁଦ୍ଧା ସାମଗ୍ରିକ ଜିଏସ୍ଟି ସଂଗ୍ରହ ୯୪୩୩.୪୭ କୋଟି ଟଙ୍କା ହୋଇଛି । ଗତ ବର୍ଷ ଏହି ସମୟରେ ଏହା ୮୮୬୫.୯୮ କୋଟି ଟଙ୍କା ଥିଲା।
ରାଜ୍ୟ ଜିଏସ୍ଟି ଓ ସମନ୍ବିତ ଜିଏସଟି ଫଇସଲା ବାବଦକୁ ରାଜ୍ୟ ପାଇଥିବା ସାମଗ୍ରିକ ଜିଏସଟି ସଂଗ୍ରହ ୪୦୩୪.୯୪ କୋଟି ଟଙ୍କା ହୋଇଛି । ଏଥିରେ ଅଭିବୃଦ୍ଧି ହାର ୩୬.୦୩ % ରହିଛି । ଜିଏସଟି, ଭାଟ, ପ୍ରବେଶ ଶୁଳ୍କ, ବୃତ୍ତିଗତ କର ଅଧିନରେ ଚଳିତ ମଇ ମାସରେ ମୋଟ ୨୭୧୧.୦୪ କୋଟି ଟଙ୍କା ସଂଗୃହୀତ ହୋଇଛି ଯାହା ଗତ ବର୍ଷ ମଇ ମାସରେ ଥିଲା ୨୩୧୧.୭୮ କୋଟି।
