ବେଙ୍ଗାଲୁରୁ – କର୍ଣ୍ଣାଟକରେ ଘଟିଛି ଏହି ଅଭାବନୀୟ ଘଟଣା । ବସ୍ ଚଳାଉଥିବା ବେଳେ ଚାଳକ ମୁରିଗୁପ୍ପାଙ୍କର ହୃଦଘାତରେ ମୃତ୍ୟୁ ହୋଇଥିଲା । ଏହାପରେ ବସ୍ଟି ଏକ ପେଟ୍ରୋଲ ପମ୍ପ ଭିତରକୁ ପଶିଯାଇଥିଲା । ସେଠାରେ ଥିବା ଲୋକମାନେ ହଠାତ୍ କିଛି ବୁଝି ନପାରି ଏଣେତେଣେ ଦୌଡିଥିଲେ । ଏହି ଘଟଣା କର୍ଣ୍ଣାଟକର ବିଜୟପୁର ଜିଲ୍ଲାର ସିନ୍ଦାଗୀ ନଗରରେ ଘଟିଛି ।
- Advertisement -
ସେହି ସମୟରେ ବସ୍ ଭିତରେ କେହି ଯାତ୍ରୀ ନଥିଲେ, କିଛି ସମୟ ପୂର୍ବରୁ ବସ୍ରେ ଲାଇଟ୍ ନଜଳିବାରୁ ଯାତ୍ରୀମାନଙ୍କୁ ଓହ୍ଲାଇ ଦିଆଯାଇଥିଲା । ପରେ ବସ୍କୁ ସେମାନେ ଡିପୋକୁ ନେଉଥିଲେ । ହଠାତ୍ ଚାଳକଙ୍କର ହୃଦଘାତ ହୋଇ ମୃତ୍ୟୁ ହୋଇଥିଲା । ବସ୍ କଣ୍ଡକ୍ଟର ତୁରନ୍ତ ଉପସ୍ଥିତ ବୁଦ୍ଧି ଖଟାଇ ବସ୍ରେ ବ୍ରେକ ଦେଇଥିଲେ । ପରେ କର୍ଣ୍ଣାଟକ ରାଜ୍ୟପରିବହନର ଅଧିକାରୀମାନେ ଘଟଣାସ୍ଥଳରେ ପହଞ୍ଚିଥିଲେ । କର୍ଣ୍ଣାଟକର ବିଜୟପୁର ଜିଲ୍ଲାର ସିନ୍ଦାଗୀ ନଗରରେ ଘଟିଛି ।
