ବୌଦ୍ଧ : ପଶ୍ଚିମବଙ୍ଗର ରାମ ପ୍ରସାଦ ନସ୍କର୍ ପେସାରେ ଶିକ୍ଷକ, ନିଶାରେ ସାଇକେଲ ଯାତ୍ରୀ । ୨୦୧୪ ମସିହାରୁ ପ୍ରତିବର୍ଷ ଗ୍ରୀଷ୍ମ ଛୁଟିରେ ପରିବେଶ ସଚେତନତା ଯାତ୍ରା ଆରମ୍ଭ କରି ଭାରତ, ବଙ୍ଗଳାଦେଶ ଓ ନେପାଳକୁ ସାଇକେଲରେ ୨୫ ହଜାର କିଲୋମିଟରରୁ ଅଧିକ ଦୂର ଯାତ୍ରା କରୁଛନ୍ତି । ସେ ଗତ ୨୨ ତାରିଖରୁ ଘରୁ ବାହାରି ଓଡ଼ିଶାର ସମସ୍ତ ଜିଲ୍ଲା ଭ୍ରମଣ କରି ପୁରୀ ଜଗନ୍ନାଥ ଦର୍ଶନ କରି ଜୁନ୍ ୧୨ ତାରିଖରେ ଘରେ ପହଁଚିବା ନେଇ ସୂଚନା ଦେଇଛନ୍ତି। ଗତକାଲି ସନ୍ଧ୍ୟାରେ ତେଲିବନ୍ଧ ଠାରେ ପ୍ରଭାତ ଚନ୍ଦ୍ର ପ୍ରଧାନଙ୍କ ନେତୃତ୍ୱରେ ତାଙ୍କୁ ସମ୍ବର୍ଦ୍ଧନା ଦିଆଯାଇଥିବାବେଳେ ବୁଧବାର ବୌଦ୍ଧ ସହରରେ ପ୍ରବେଶ ପଥରେ ସାମାଜିକ କର୍ମୀ କୃତିବାସ ପଲିଆ ତାଙ୍କୁ ସ୍ବାଗତ କରିଥିଲେ । ବୌଦ୍ଧ ଜିଲ୍ଲା ସଦର ମହକୁମାର ପ୍ରାଚୀନ ବୌଦ୍ଧ କୀର୍ତ୍ତି ଦର୍ଶନ କରି କନ୍ଧମାଳ ଜିଲ୍ଲା ଅଭିମୁଖେ ଯାତ୍ରା କରିବାରେ ସହଯୋଗ କରିଥିଲେ । ଶ୍ରୀ ନସ୍କର ସାରା ଜୀବନ ସାଇକେଲ ଯାତ୍ର କରି ସ୍ୱଚ୍ଛ ପରିବେଶ, ପଲିଥିନ ମୁକ୍ତ, ଗଙ୍ଗା ବଞ୍ଚାଅ, ଓଡ଼ିଶାର ଗଙ୍ଗା ମହାନଦୀ ବଞ୍ଚାଅ ଅଭିଯାନ ଚାଲୁ ରଖିବାକୁ ସେ ମତ ଦେଇଥିଲେ।
Popular Categories
Previous article
Next article