ଫୁଲବାଣୀ:ଫୁଟବଲ୍ ଆସୋସିଏସନ୍ ଅଫ୍ ଓଡ଼ିଶା ଏବଂ ଓଡ଼ିଶା ରାଜ୍ୟ କ୍ରିଡ଼ା ବିଭାଗର ମିଳିତ ସହଯୋଗରେ ହୋଇଥିବା ୬୨ତମ ଆନ୍ତଃଜିଲା ସିନିୟର ସାହାଣୀ କପ୍ ଫୁଟବଲ୍ ପ୍ରତିଯୋଗିତାରେ କନ୍ଧମାଳ ଜିଲା ଉପବିଜେତା ହୋଇଥିବା ବେଳେ ଏଥିରେ କଟଳ ଦଳ ବିଜୟ ଲାଭ କରିଥିଲେ।
ଆଜି ଖେଳାଳି ମାନେ ଫେରିବା ପରେ ସ୍ଥାନୀୟ କରୋନେସନ ପଡ଼ିଆ ଠାରେ ଏକ ଭ୍ୟ ସ୍ୱାଗତ ଓ ସମ୍ବର୍ଦ୍ଧନା କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଜିଲା କ୍ରିଡ଼ା ସଂଘ ଓ କ୍ରିଡ଼ାବିତ୍ ମାନଙ୍କ ପକ୍ଷରୁ ଆୟୋଜିତ ଏହି ସମ୍ବର୍ଦ୍ଧନା ଉତ୍ସବରେ କନ୍ଧମାଳ ସାଂସଦ ଡ଼.ଅଚ୍ୟୁତ ସାମନ୍ତ , କନ୍ଧମାଳ ଜିଲାପାଳ ଆଶିଷ୍ ଇଶ୍ୱର ପାଟିଲ୍ , ଜିଲା ଆଇନଜୀବି ସଂଘ ସଭାପତି ଭଗବାନ ମହାନ୍ତି , ପୂର୍ବତନ ବିଧାୟକ ଦେବେନ୍ଦ୍ର କହଁର , ବରିଷ୍ଠ ଆଇନଜୀବି ବିଜୟ କୃଷ୍ଣ ପଟନାୟକ , ବରିଷ୍ଠ ଫୁଟବଲ୍ ଖେଳାଳି ଅଶୋକ ପଟନାୟକ ଏବଂ କ୍ରିଡ଼ା ସଂଗଠନ ହୃଦୟ ରଂଜନ ବେହେରାଙ୍କ ସମେତ ଫୁଟବଲ୍ ଆସୋସିଏସନ୍ ଅଫ୍ ଓଡ଼ିଶାର ସଦସ୍ୟ କମଳାକାନ୍ତ ପାଣ୍ଡେ ପ୍ରମୁଖ ଅତିଥିଭାବେ ଯୋଗଦେଇଥିଲେ।
ଜିଲା କ୍ରିଡ଼ା ସଂସଦର ସଂପାଦକ ଶିବ ପ୍ରସାଦ ତ୍ରିପାଠୀ ପ୍ରାରମ୍ଭିକ ସୂଚନା ପ୍ରଦାନ କରିଥିବା ବେଳେ ଯୋଗଦେଇଥିବା ଅତିଥିମାନେ ଖେଳାଳି ମାନଙ୍କୁ ଉତ୍ସାହିତ କରିବା ସହିତ କନ୍ଧମାଳ ଜିଲାରେ ଫୁଟବଲ୍ ଖେଳର ପ୍ରସାର ପାଇଁ ଆଗାମି ଦିନରେ ବିିଭିନ୍ନ ପ୍ରକାର ପଦକ୍ଷେପ ନିଆଯିବା ଉପରେ ଆଲୋକପାତ କରିଥିଲେ। ମନୋଜ ପଟନାୟକ ଓ ଅଶୋକ ମହାନ୍ତି କାର୍ଯ୍ୟକ୍ରମରେ ସଂଯୋଜନା କରିଥିବା ବେଳେ ଏହି ଅବସରରେ କନ୍ଧମାଳ ସାଂସଦ, ଜିଲା କ୍ରିଡ଼ା ସଂସଦ , ବରିଷ୍ଠ କ୍ରିଡ଼ାବିତ୍ , ଜେ.ଡ଼ି କ୍ଳବ , ଫୁଲବାଣୀ , ଖଜୁରିପଡ଼ା ପୂର୍ବତନ ବ୍ଳକ ଅଧ୍ୟକ୍ଷ ଦେବେନ୍ଦ୍ର କହଁର , ବଡ଼ି ବିଲିଡ଼ିଙ୍ଗ୍ ସଂଘ , ଅଲିଭା ସ୍ପୋଟର୍ସ ଓ କୁଇ ସମାଜ ପକ୍ଷରୁ ଖେଳାଳି ଓ ଦଳର ପରିଚାଳକ , କୋଚ୍ ଓ ସହ ପରିଚାଳକଙ୍କୁ ସ୍ୱତନ୍ତ୍ର ଭାବେ ଉପଠୋକନ ସମେତ ଆର୍ଥିକ ପୁରସ୍କାରରରେ ସମ୍ବର୍ଦ୍ଧିତ କରାଯାଇଥିଲା।
ସମ୍ବର୍ଦ୍ଧନା ଉତ୍ସବରେ ବହୁ ଫୁଟବଲ୍ ଖେଳାଳି , ଜିଲା କ୍ରିଡ଼ା ସଂଘର ବହୁ କର୍ମକର୍ତ୍ତା , ସ୍ପୋଷ୍ଟସ ହଷ୍ଟେଲ୍ର ଛାତ୍ର ଓ ଅଞ୍ଚଳବାସୀ ଏବଂ କ୍ରିଡ଼ାବିତ୍ ଏବଂ ବିଭିନ୍ନ ରାଜନେତା ଓ ଅନ୍ୟମାନେ ଯୋଗଦେଇ ଖେଳାଳି ମାନଙ୍କୁ ଉତ୍ସାହିତ କରିଥିଲେ।
Comments are closed.