କଲମପୁର:କଲମପୁର ନିର୍ମାଲ୍ୟ କ୍ଷେତ୍ର ପରିସରକୁ ଲାଗି ରହିଛି ହନୁମାନ ମନ୍ଦିର। ଗତକାଲି ବିଳମ୍ବିତ ରାତିରେ କେହି ଦୁର୍ବୁତ ଏହି ମନ୍ଦିରର ଦାନ ପେଡି ଭାଙ୍ଗି ଚୋରି କରି ନେଇଛି।
ସୂଚନା ଅନୁସାରେ ମଙ୍ଗଳବାର ସକାଳୁ ମନ୍ଦିରର ସେବାୟତ ମନ୍ଦିରର ତାଲା ଖୋଲି ଭିତରେ ପଶିବା ବେଳକୁ ଦାନ ପେଡି ଉପର ଅଂଶକୁ ଭାଙ୍ଗି କେହି ଦୁର୍ବୁତ ଚୋରି କରି ନେଇଥିବା ଦେଖିଥିଲେ। ତୁରନ୍ତ ଏନେଇ ମନ୍ଦିର ପୂଜକ ସମେତ ମନ୍ଦିର ପରିଚାଳନା ଦାୟିତ୍ୱରେ ଥିବା କର୍ମକର୍ତ୍ତାଙ୍କୁ ଦାନ ପେଡିର ଚୋରି ସମ୍ବନ୍ଧରେ ଜଣାଇଥିଲେ। ଦାନ ପେଡିରେ କେତେ ଟଙ୍କା ଥିଲା ଏବଂ ସୁନାରୂପା ଅଳଙ୍କାର ଥିଲା କି ନାହିଁ ଜଣାପଡ଼ିନାହିଁ।
ଗତ କିଛି ମାସ ପୂର୍ବରୁ ଅନୁରୁପ ଭାବେ ସ୍ଥାନୀୟ ନିର୍ମାଲ୍ୟକ୍ଷେତ୍ର ଜଗନ୍ନାଥ ମନ୍ଦିରରୁ ମଧ୍ୟ ଚୋରି ହେଇଥିଲା। ଜଗନ୍ନାଥ ମନ୍ଦିରର ଦାନ ବାକ୍ସ ଚୋରି ନେଇ ପୁଲିସ ନିକଟରେ ଅଭିଯୋଗ ମଧ୍ୟ ହୋଇଥିଲା। କିନ୍ତୁ ଅଦ୍ୟାବଧି ତାର କୌଣସି ସୁରାକ ମିଳିନଥିବା ବେଳେ ପୁଣି ହନୁମାନ ମନ୍ଦିରର ଦାନ ପେଡି ଚୋରି ପୁଲିସ ପାଇଁ ମୁଣ୍ଡ ବ୍ୟଥାର କାରଣ ପାଲଟିଛି।
Comments are closed.