ଭୁବନେଶ୍ୱର- ବାଜରା, ରାଗି, କାଙ୍ଗୁ, ମାଣ୍ଡିଆ, କୋଦ ଇତ୍ୟାଦି ମିଲେଟ ଭାବରେ ବେଶ ଜଣାଶୁଣା । ମିଲେଟ ପରିବେଶ ଅନୁକୂଳ, ଅଳ୍ପ ଜଳ ଓ ଯତ୍ନରେ ଚାଷ ହୋଇପାରୁଥିବା କାରଣରୁ ଚାଷୀ ମାନଙ୍କର ପ୍ରଥମ ପସନ୍ଦ ପାଲଟିଛି ।
ଏହା ଜିଙ୍କ, କ୍ୟାଲସିୟମ, ଫୋଲିକ ଏସିଡ ଏବଂ ରେ ସମୃଦ୍ଧ ଏବଂ ଚାଉଳ ଓ ଗହମ ଠାରୁ ଅଧିକ ପୁଷ୍ଟିକର । ଡାଏବେଡିସ, ଉଚ୍ଚ ରକ୍ତଚାପ, କୋଲେଷ୍ଟ୍ରଲ ଭଳି ଶାରୀରିକ ଅସୁନ୍ତଳନକୁ ନିୟନ୍ତ୍ରଣ କରିବା ସହ କିଡନୀ, ଲିଭର ସୁସ୍ଥ ରଖିବା ଓ ଶରୀରର ପ୍ରତିରୋଧକ ଶକ୍ତି ବୃଦ୍ଧି କରିବାରେ ସହାୟକ ସାଜିଥାଏ । ଏହାକୁ ଲୋକପ୍ରିୟ କରିବା ପାଇଁ ଜନସାଧାରଣଙ୍କୁ ଏହି କ୍ଷୁଦ୍ର ଶସ୍ୟ ସମୁହ ବାବଦରେ ସଚେତନ କରିବାପାଇଁ ଓଡିଶା ସରକାର ୨୦୧୭ ମସିହାରେ ‘ଓଡିଶା ମିଲେଟ ମିଶନ’ ଆରମ୍ଭ କରିଥିଲେ । ୨୦ ଲକ୍ଷରୁ ଅଧିକ ଚାଷୀ, ୮୪ କୃଷକ ସଙ୍ଗଠନ ଓ ୧୫୭୦ ମହିଳା ସ୍ୱୟଂ ସହାୟକ ଗୋଷ୍ଠୀ ଏହି ମିଶନର ଅଂଶ ବିଶେଷ ହୋଇ ସକ୍ରିୟ ଯୋଗଦାନ ଦେଇ ଆସୁଛନ୍ତି ।
ମିଲେଟ୍କୁ ଅଧିକ ଲୋକପ୍ରିୟ କରିବା ପାଇଁ ମହିଳା ସ୍ୱୟଂ ସହାୟକ ଗୋଷ୍ଠୀ ସକ୍ରିୟ ଭୂମିକା ଗ୍ରହଣ କରିଆସୁଛନ୍ତି । ଏମାନଙ୍କୁ ଅଧିକ ପ୍ରଶିକ୍ଷିତ କରିବା ଏବଂ ମିଲେଟ୍ରେ ପ୍ରସ୍ତୁତ ବିଭିନନ ଖାଦ୍ୟ ଦ୍ରବ୍ୟକୁ ଲୋକଙ୍କୁ କିପରି ପରାଷା ଯିବ । ଏହାର ସ୍ୱାଦ , ସୁଗନ୍ଧ ଆଖିକୁ ଭଲ ଦିଶିବା ନେଇ ଭୁବନେଶ୍ୱର ସ୍ଥିତ ମାଇକେଲ୍ସ୍ କିଚେନ୍ରେ ପ୍ରଶିକ୍ଷଣ ଦିଆଯାଇଛି । ମହିଳା ସ୍ୱୟଂ ସହାୟକ ଗୋଷ୍ଠୀର ସଦସ୍ୟାମାନେ ବେଶ୍ ଆଗ୍ରହର ସହ ଏହି ତାଲିମ ଗ୍ରହଣ କରିଛନ୍ତି । ଭବିଷ୍ୟତରେ ମିଲଟ୍କୁ ଅଧିକ ଲୋକପ୍ରିୟ କରିବା ସହ ଏଥିରେ ବିଭିନ୍ନ ନୂଆ ଖାଦ୍ୟ ଦ୍ରବ୍ୟ ପ୍ରସ୍ତୁତି ପାଇଁ ପ୍ରଶିକ୍ଷଣ ଗ୍ରହଣ କରିଛନ୍ତି । ମାଇକେଲସ୍ କିଚେନ୍ର ପ୍ରତିଷ୍ଠା ସେଫ୍ ମାଇକେଲ୍ ମହିଳା ସ୍ୱୟଂ ସହାୟକ ଗୋଷ୍ଠୀର ସଦସ୍ୟାମାନଙ୍କୁ ତାଲିମ ଦେଇଛନ୍ତି । ବ୍ୟୁରୋ ନ୍ୟୁଜ୍ ସମାଜଡିଜିଟାଲ୍
