ଆଠଗଡ଼: ଆଠଗଡ଼ ସାହିତ୍ୟ ସମାଜର ଏକ ବୈଠକ ମଙ୍ଗଳବାର ସ୍ଥାନୀୟ ରାଧାଗୋବିନ୍ଦ ଜୀଉ ମନ୍ଦିର ପରିସରରେ ଅନୁଷ୍ଠିତ ହେବା ସହ ଏଥିରେ ନୂତନ କର୍ମକର୍ତ୍ତା ନିର୍ବାଚନ ଅନୁଷ୍ଠିତ ହୋଇଯାଇଛି। ପ୍ରାଣକୃଷ୍ଣ ଦାସଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭାରେ ସାହିତ୍ୟ ସମାଜର ବିଭିନ୍ନ କାର୍ଯ୍ୟକ୍ରମ ସଂପର୍କରେ ଆଲୋଚନା କରାଯାଇଥିଲା। ନୂତନ କର୍ମକର୍ତ୍ତାଙ୍କ ମଧ୍ୟରେ ସଭାପତି ରୂପେ ସୁରେଶ କୁମାର ପରିଡ଼ା, ଉପସଭାପତି ଆଇନଜୀବୀ ବିଷ୍ଣୁପ୍ରସାଦ ସାହୁ, ସଂପାଦକ ଭାବେ ୨ୟ ଥର ପାଇଁ ଲଲାଟେନ୍ଦୁ ସେନାପତି, ସହ ସଂପାଦକ ସୁଧାଂଶୁ ଶେଖର ସାହୁ, ସଂଗଠନର ସଂପାଦକ ତ୍ରିଲୋଚନ ବେହେରା, କୋଷାଧ୍ୟକ୍ଷ ଦୀପାଳି ଦାଶ ପ୍ରମୁଖ ଜଣେ ଲେଖାଏଁ ପାର୍ଥୀପତ୍ର ଦାଖଲ କରିଥିବାରୁ ନିର୍ବାଚନ ଅଧିକାରୀ ସୁଶାନ୍ତ କୁମାର ମିଶ୍ର ସମସ୍ତଙ୍କୁ ନିଦ୍ୱନ୍ଦରେ ନିର୍ବାଚିତ ହୋଇଥିବା ଘୋଷଣା କଲେ। ଏଥି ସହିତ ଉପଦେଷ୍ଟା ଭାବେ ପ୍ରାଣକୃଷ୍ଣ ଦାଶ, ଡାକ୍ତର ଭୁବନାନନ୍ଦ ଦାସ, ଅଦ୍ୱୈତ ଚରଣ ପଣ୍ଡା, ଅଶୋକ କୁମାର ପଟ୍ଟନାୟକ ଏବଂ କାର୍ଯ୍ୟକାରୀ ସମିତିର ସଦସ୍ୟ ଭାବେ ପୁଲିନ ମିଶ୍ର, ପ୍ରତାପ ଚନ୍ଦ୍ର ପଟ୍ଟନାୟକ, ପ୍ରମୋଦ କୁମାର ବିଶୋଇ, ଗଣେଶ ପ୍ରସାଦ ରାଉତ ଓ ପ୍ରଶାନ୍ତ ପୁହାଣ ମନୋନୀତ ହୋଇଥିଲେ।
Comments are closed.