ମୁମ୍ବାଇ: ବଲିଉଡ଼ ଅଭିନେତ୍ରୀ ସୋନାକ୍ଷୀ ସିହ୍ନା ତାଙ୍କ ଆଗାମୀ ୱେବ୍ ସିରିଜ୍ ‘ଦହାଡ଼’କୁ ନେଇ ଚର୍ଚ୍ଚାରେ। ଏହି ସିରିଜ୍ ଜରିଆରେ ସେ ପ୍ରଥମ ଥର ପାଇଁ ଓଟିଟିରେ ପାଦ ଥାପିବାକୁ ଯାଉଛନ୍ତି। ବୁଧବାର ଏହାର ଟ୍ରେଲର ରିଲିଜ୍ ହୋଇଛି। ଏଥିରେ ସୋନାକ୍ଷୀ ପୁଲିସ ସାଜି ଦମ୍ଦାର୍ ଅଭିନୟ କରିଛନ୍ତି। ଖାକି ପୋଷାକରେ ସେ ଜବରଦସ୍ତ ଅବତାରରେ ନଜର ଆସିଛନ୍ତି।
ଟ୍ରେଲରରେ ୨୭ ଜଣ ଝିଅଙ୍କ ଅପହରଣ ଓ ମୃତ୍ୟୁ ରହସ୍ୟ ମଧ୍ୟରେ ସୋନାକ୍ଷୀ ଛନ୍ଦି ହୋଇଥିବା ଦେଖିବାକୁ ମିଳିଛି। ଏଥିସହ ସେମାନଙ୍କୁ ନ୍ୟାୟ ଦେବାକୁ ଲଢେଇ କରୁଛନ୍ତି। ଏହି ୱେବ୍ ସିରିଜ୍କୁ ଫରହାନ ଅଖତର୍ ଓ ରିତେଶ ସିଧୱାନୀଙ୍କ ଏକ୍ସେଲ୍ ଏଣ୍ଟରଟେନମେଣ୍ଟ ଏବଂ ରୀମା କାଗତୀ ଓ ଜୋୟା ଅଖତର୍ଙ୍କ ପ୍ରଡକ୍ସନ ମିଳିତ ଭାବେ ନିର୍ମାଣ କରିଛନ୍ତି। ସିରିଜ୍ର ନିର୍ଦେଶନା ଭାର ବହନ କରିଛନ୍ତି ରୀମା କାଗତୀ ଓ ରୁଚିକା ଓବରୟ। ସୋନାକ୍ଷୀଙ୍କ ବ୍ୟତୀତ ଏଥିରେ ବିଜୟ ବର୍ମା, ଗୁଲଶନ ଦେବୈୟା ମଧ୍ୟ ଗୁରୁତ୍ବପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି।
- Advertisement -
