ତମାଣ୍ଡୋ : ମେଣ୍ଢାଶାଳ ଅଞ୍ଚଳର ସମାଜସେବୀ ତଥା ବରିଷ୍ଠ କଂଗ୍ରେସ କର୍ମୀ ପ୍ରାଣବନ୍ଧୁ ମହାରଣାଙ୍କ ପରଲୋକ ହୋଇଛି। ସେ ଘର ବାହାରେ ଫୁଲ ତୋଳୁଥିବା ବେଳେ ହଠାତ୍ ପଡ଼ି ଗୁରୁତର ହୋଇଥିଲେ।
ଚିକିତ୍ସା ପାଇଁ ତାଙ୍କୁ ସଙ୍ଗେସଙ୍ଗେ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କାରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଖବର ପାଇ ତାଙ୍କ ସହପାଠୀ ବିଧାୟକ ସୁରେଶ କୁମାର ରାଉତରାୟ, ମେଣ୍ଢାଶାଳ ସରପଞ୍ଚ କୌଶଲ୍ୟା ବଳିୟାରସିଂ, ଜଟଣୀ ବ୍ଲକ କଂଗ୍ରେସ ସଭାପତି ଧନେଶ୍ୱର ରାଉତରାୟ, ଭୁବନେଶ୍ୱର ବ୍ଲକ ସଭାପତି ଭାସ୍କର ବାହିନୀପତି ପ୍ରମୁଖ ତାଙ୍କ ବାସଭବନରେ ପହଞ୍ଚି ଶେଷ ଦର୍ଶନ କରିଥିଲେ। ଗ୍ରାମ୍ୟ ଶଶ୍ମାନରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଛି।
