ଗୁରୁଡିଝାଟିଆ : ୫୫ ନଂ ଜାତୀୟ ରାଜପଥ କପୁରସିଂ ନିକଟରେ ଥିବା ଏକ ଗୋଶାଳାର ତତ୍ୱାବଧାରକଙ୍କୁ ଚୋରା ଦେଶୀମଦ ବ୍ୟବସାୟୀ ମାଡ ମାରିବା ପରେ ଗୁରୁତର ଆହତ ହୋଇ କଟକ ବଡମେଡିକାଲରେ ଚିକିତ୍ସିତ ହେଉଛନ୍ତି । ଗୁରୁଡିଝାଟିଆ ଥାନା ଅନ୍ତର୍ଗତ ବ୍ରାହ୍ମଣବସ୍ତର କେଳା ନାମକ ଜନୈକ ଯୁବକ ଗୋଶାଳା ନିକଟବର୍ତ୍ତି ସ୍ଥାନରେ ଚୋରା ମଦ ବ୍ୟବସାୟ କରିଥାଏ। ପରିବେଶ ନଷ୍ଟ ହେବା ସମ୍ଭାବନା ଥିବାରୁ ତତ୍ୱାବଧାରକ ବ୍ରଜସୁନ୍ଦର ବାରଣ କରିଥିଲା। ଏଥିରେ ଉତ୍ତେଜିତ ହୋଇ ରାଗ ସୁଝାଇବା ପାଇଁ ମଦବ୍ୟବସାୟ କରୁଥିବା ଯୁବକଜଣକ ସୁଯୋଗ ଉଣ୍ଡୁଥିଲା। ଗତକାଲି ବ୍ରଜସୁନ୍ଦରକୁ ଏକା ପାଇ ଅଭିଯୁକ୍ତ ଯୁବକ ଜଣକ ନିସ୍ତୁକ ମାଡମାରି ମୁଣ୍ଡ ଫଟାଇ ଦେଇଥିଲା। ଏ ନେଇ ଗୁରୁଡିଝାଟିଆ ଥାନାରେ ଏକ ମକଦ୍ଦମା ରୁଜୁ ହୋଇଛି । ଗିରଫ ଭୟରେ ଅଭିଯୁକ୍ତ ଯୁବକ ଆତ୍ମଗୋପନ କରିଥିବା ଥାନା ଅଧିକାରୀଙ୍କ ଠାରୁ ପ୍ରକାଶ। ସଂପୃକ୍ତ ଯୁବକକୁ ଖୁବଶୀଘ୍ର ଗିରଫ କରାଯିବ ବୋଲି ଥାନା ଅଧିକାରୀ ରଞ୍ଜନ କୁମାର ପ୍ରଧାନଙ୍କ ଠାରୁ ପ୍ରକାଶ।
Comments are closed.