ମୟୁରଭଞ୍ଜ- ଘର ଉପରେ ବଜ୍ରପାତ, ତିନି ମହିଳା ମୃତ ୪ ଗୁରୁତର

କରଞ୍ଜିଆ – ମୟୁରଭଞ୍ଜ ଜିଲ୍ଲା କରଞ୍ଜିଆରେ ବଜ୍ରପାତରେ ତିନି ଜଣଙ୍କର ମୃତ୍ୟୁ ହୋଇଛି । ଏକ ଦାହ ସଂସ୍କାର  ପାଇଁ ଏହି ମହିଳାମାନେ ଆସିଥିଲେ । କାଳବୈଶାଖୀ ବର୍ଷା ସହ ବଜ୍ରପାତ ହୋଇଥିଲା । ବଜ୍ରପାତ ପରେ ଘରେ ନିଆଁ ଲାଗିଯାଇଥିବା ସୂଚନା । କରଞ୍ଜିଆ ଏନ୍‌ଏସିର ୧୫ ନମ୍ବର ଓ୍ୱାର୍ଡରେ ଏହି ଅଘଟଣ ଘଟିଛି ।

ଏଥିରେ ୪ ଜଣ ଗୁରୁତର ହୋଇଛନ୍ତି । ସେମାନଙ୍କୁ ଚିକିତ୍ସା ପାଇଁ ସ୍ଥାନୀୟ ଡାକ୍ତରଖାନରେ ଭର୍ତ୍ତି କରାଯାଇଛି ।