ମୋହନା: ବାହାର ରାଜ୍ୟର ୨ ଗଞ୍ଜେଇ ମାଫିଆ ଏକ କାରରେ ନକଲି ନମ୍ବର ପ୍ଳେଟ ଲଗାଇ ଗଞ୍ଜେଇ ଚୋରା ଚାଲାଣ କରୁଥିବା ବେଳେ ଅଡବା ପୁଲିସ ହାତରେ ଧରାପଡି ଜେଲ ଯାଇଛନ୍ତି। ଗଜପତି ଜିଲା ଅଡବା ଥାନା ଅଞ୍ଚଳରେ ଏହି ଘଟଣା ଘଟିଛି। ଅଡବା ଥାନା ଏସ୍ଆଇ ଭାଗ୍ୟଲତା ଦାସଙ୍କ ନେତୃତ୍ୱରେ ଏକ ପୁଲିସ ଟିମ୍ ନଳାଘାଟ ଅଞ୍ଚଳରେ ପାଟ୍ରୋଲିଂ କରୁଥିବା ବେଳେ ପରମାଗୁଡାରୁ-ଉଲିଆପଦା ପଟେ ଆସୁଥିବା ଏକ ଟାଟା ନେକ୍ସନ କାର ନଂ ଓଡିଠ୨ସିଜି ୫୮୦୨ କୁ ଅଟକାଇଥିଲେ। ଉକ୍ତ କାରଟିକୁ ଯାଞ୍ଚ କଲାବେଳେ ସେଥିରୁ ୧୧୪ କିଲୋ ୮ ଶହ ଗ୍ରାମ ଗଞ୍ଜେଇ ମିଳିଥିଲା।
କାରଟିକୁ ଭଲ ଭାବରେ ଯାଞ୍ଚ କଲାବେଳେ ଉକ୍ତ କାରରେ ନକଲି ନମ୍ବର ପ୍ଳେଟ ଲଗାଯାଇଥିବା ଜଣାପଡିଥିଲା। ଉକ୍ତ ନମ୍ବର ପ୍ଲେଟକୁ ଖୋଲିବା ପରେ କାରର ନମ୍ବର ୟୂପି ୪୭ ଡବ୍ଲ୍ୟୁ ୯୭୭୯ ରହିଥିବା ଦେଖାଯାଇଥିଲା। ଏହାସହ ଏସକର୍ଟ କରୁଥିବା ଏକ ମୋଟର ସାଇକେଲକୁ ମଧ୍ୟ ପୁଲିସ ଜବତ କରିବାରେ ସଫଳ ହୋଇଥିଲା। ଉକ୍ତ ଗଞ୍ଜେଇ ଗଜପତିରୁ ଉତ୍ତରପ୍ରଦେଶ ଫତେପୁର ଚାଲାଣ ହେଉଥିବା ଜଣାପଡିଥିଲା। ଗଞ୍ଜେଇ ଚାଲାଣ ଅଭିଯୋଗରେ ପୁଲିସ ଫତେପୁରର ଅଭିନାଶ ମୟୁରିଆ ଏବଂ ଦୀପକ କୁମାରକୁ ଗିରଫ ପରେ କୋର୍ଟ ଚାଲାଣ କରିଥିବା ଅଡବା ଥାନା ଅଧିକାରୀ ସୁଭ୍ରାନ୍ତ କୁମାର ପଣ୍ଡା ସୂଚନା ଦେଇଛନ୍ତି।
Comments are closed.