ହରଭଙ୍ଗା : ସରକାର ଡିଜିଟାଲ ଇଣ୍ଡିଆ କାର୍ଯ୍ୟକ୍ରମ ଜରିଆରେ ଦୁର୍ଗମ ଅଂଚଳରେ ଇଣ୍ଟରନେଟ ସେବା ଯୋଗାଇବା ପାଇଁ ଅଧିକରୁ ଅଧିକ ବିଏସଏନଏଲ ଟାଓାର ପ୍ରତିଷ୍ଠା ସହ ବ୍ରଡବ୍ୟାଣ୍ଡ ସେବା କାର୍ଯ୍ୟକ୍ରମ ହାତକୁ ନେଇଛନ୍ତି । ଅନ୍ୟପଟେ ରାଜ୍ୟ ସରକାରଙ୍କ ୫-ଟି ସ୍କୁଲ ଗୁଡିକରେ ଅନଲାଇନ ମାଧ୍ୟମରେ ପାଠପଢା ସାଙ୍ଗକୁ ଇ-ପଞ୍ଚାୟତ ସେବା ଭଳି ଲୋକାଭିମୁଖୀ କାର୍ଯ୍ୟକ୍ରମ ହାତକୁ ନିଆଯାଇଛି । ଏସବୁ ସତ୍ୱେ ବ୍ରଡବ୍ୟାଣ୍ଡ ସେବାରୁ ହରଭଙ୍ଗା, ଛତ୍ରଙ୍ଗ, କୁଶଙ୍ଗ, ମହାଲ୍ଲିକପଡା ଏବଂ ତଳଗାଁ ଭଳି ପଂଚାୟତଗୁଡିକ ବଞ୍ଚିତ ରହିଥିବା ଜଣାପଡିଛି । ୫-ଟି ସ୍କୁଲରେ ପାଠପଢା ପାଇଁ ବ୍ରଡ ବ୍ୟାଣ୍ଡ ଏବଂ ଇ-ପଂଚାୟତ ସେବା ପାଇ ଇଣ୍ଟରନେଟର ବହୁଳ ଆବଶ୍ୟକତା ରହିଛି। ମାତ୍ର ବ୍ରଡ ବ୍ୟାଣ୍ଡ ସଂଯୋଗ ନଥିବାରୁ ପିଲାଙ୍କ ପାଠପଢାରେ ବ୍ୟାଘାତ ସୃଷ୍ଟି ହେବା ସାଙ୍ଗକୁ ପଞ୍ଚାୟତରେ ଉନ୍ନୟନମୂଳକ କାର୍ଯ୍ୟ ବାଧାପ୍ରାପ୍ତ ହେଉଛି। ତୁରନ୍ତ ଏ ଦିଗରେ ବିଏସଏନଏଲ କର୍ତ୍ତୃପକ୍ଷ ସ୍ୱତନ୍ତ୍ର ଦୃଷ୍ଟି ଦେବାକୁ ଦାବି ଉଠୁଛି । ଏ ସର୍ମ୍ପକରେ ବୌଦ୍ଧ ବିଏସଏନଏଲ ଏସଡିଓ ହିରନମୟ ଭୋକ୍ତାଙ୍କୁ ପଚାରିବାରୁ ସେ କହିଲେ ଓଏନଟି ସଂଯୋଗ ପାଇଁ ଜୟଅମ୍ବା ଟ୍ରେର୍ଡସଙ୍କୁ ନିର୍ଦ୍ଦେଶ ଦିଆଯାଇଛି । ତୁରନ୍ତ ଏହା କାର୍ଯ୍ୟକାରୀ କରାଯିବ ବୋଲି କହିଛନ୍ତି ।
Popular Categories
Previous article
Next article