୧୮୮୨ ମସିହା ମାର୍ଚ୍ଚ ୨୪ରେ ବର୍ଲିନ୍ର ଡାକ୍ତର ରବର୍ଟ କୋଚ୍ ଐତିହାସିକ ସଫଳତା ହାସଲ କରିଥିଲେ। ଦୀର୍ଘ ମାସ ଧରି ଗବେଷଣା କରିବା ପରେ ସେ ଯକ୍ଷ୍ମା ପାଇଁ ଦାୟୀ ବ୍ୟାକ୍ଟେରିଆକୁ ଚିହ୍ନଟ କରିଥିଲେ। ସେହି ଦିନଟିକୁ ସ୍ମରଣ କରିବାକୁ ଯାଇ ବିଶ୍ୱସ୍ତରରେ ‘ଯକ୍ଷ୍ମା ଦିବସ’ ପାଳନ କରାଯାଉଛି। ଲୋକଙ୍କୁ ଯକ୍ଷ୍ମା ରୋଗର ଭୟାବହତା ସମ୍ପର୍କରେ ଅବଗତ କରାଇବା ହେଉଛି ଏହି ଦିବସ ପାଳନର ମୂଳ ଲକ୍ଷ୍ୟ। ରୋଗର ପ୍ରାରମ୍ଭିକ ଲକ୍ଷଣ ହେଉଛି ଦୀର୍ଘ ଦିନ ଧରି କାଶ ହେବା, ରାତିରେ ଝାଳ ବାହାରିବା, ଭୋକ କମିଯିବା, ଓଜନ କମିବା ଓ ଛାତିରେ ଯନ୍ତ୍ରଣା ହେବା ଆଦି। ୨୦୨୦ରେ ଯକ୍ଷ୍ମାରେ ଆକ୍ରାନ୍ତ ହୋଇ ବିଶ୍ବସ୍ତରରେ ୧୫ଲକ୍ଷରୁ ଅଧିକ ଲୋକ ପ୍ରାଣ ହରାଇଥିଲେ। ଅନୁଧ୍ୟାନରୁ ଜଣାପଡ଼ିଛି, ଅନ୍ୟ ରାଷ୍ଟ୍ର ତୁଳନାରେ ଭାରତରେ ଯକ୍ଷ୍ମା ରୋଗୀଙ୍କ ସଂଖ୍ୟା ସବୁଠୁ ଅଧିକ। ବିଶ୍ୱ ଯକ୍ଷ୍ମା ଦିବସ ଅବସରରେ ଏହାର ମୂଳୋତ୍ପାଟନ ପାଇଁ ସମସ୍ତେ ନିଜ ଦାୟିତ୍ବ ପ୍ରତି ସଚେତନ ରହିବା।
Popular Categories
Previous article
Next article