ପାଟଣା: ସାହାରପଡା ବ୍ଲକ କୁଣ୍ଡଳା ଏମ କେ ଉଚ୍ଚ ବିଦ୍ୟାଳୟ ଫାଟକରେ ଆଜି ଗ୍ରାମର ୨୭ ଟି ଏସଏଚଜିର ମହିଳା ତାଲା ମାରି ଦେବାରୁ ଏଠାରେ ୩ ଘଣ୍ଟା ଧରି ଛାତ୍ରଛାତ୍ରୀ ମାନେ ବାହାରେ ଠିଆ ହୋଇ ରହିଥିଲେ। ତେବେ ଭୁବନେଶ୍ୱର ଗସ୍ତରେ ଥିବା ସାହାରପଡା ବ୍ଲକ ଓଡିଶା ଜୀବିକା ମିଶନ ଭାରପ୍ରାପ୍ତ ବ୍ଲକ ପ୍ରକଳ୍ପ ପରିଚାଳକ ପ୍ରିୟ ରଞ୍ଜନ ଟୁଡୁ ଓ ବ୍ଲକ ଜୀବନ ଜୀବିକା ସଂଯୋଜିକା ସୁସ୍ମିତା ସାହୁ ଆନ୍ଦୋଳନକାରୀ ମହିଳାଙ୍କୁ ଫୋନ ଯୋଗେ ଆଲୋଚନା କରିଥିଲେ। ଆଲୋଚନା ପରେ ସେମାନଙ୍କ ଆପତ୍ତି ଅଭିଯୋଗ ଆସନ୍ତା ବୁଧବାର ସୁଦ୍ଧା ସମାଧାନ କରାଯିବ ବୋଲି ପ୍ରତିଶ୍ରୁତି ଦେଇଥିଲେ। ପ୍ରତିଶ୍ରୁତି ପାଇବା ପରେ ଆନ୍ଦୋଳନକାରୀ ମହିଳା ମାନେ ବିଦ୍ୟାଳୟ ଫାଟକରୁ ତାଲା ଖୋଲି ଦେଇଥିଲେ। ଏହାପରେ ଛାତ୍ରଛାତ୍ରୀ ମାନେ ବିଦ୍ୟାଳୟକୁ ଯାଇ ପାଠ ପଢିଥିଲେ।
Popular Categories
Previous article
Next article