ହରଭଙ୍ଗା : ଓଡିଶା ବିପର୍ଯ୍ୟୟ ପ୍ରସ୍ତୁତି ଓ ଜାତୀୟ ବିପର୍ଯ୍ୟୟ ହ୍ରାସ ଦିବସ ଉପଲକ୍ଷେ ଶନିବାର ହରଭଙ୍ଗା ବ୍ଲକ ପକ୍ଷରୁ ସ୍ଥାନୀୟ ସଭାଗୃହରେ ବ୍ଲକସ୍ତରୀୟ ଜାତୀୟ ବିପର୍ଯ୍ୟୟ ପ୍ରଶମନ ହ୍ରାସ ଦିବସ ପାଳନ ହୋଇଥିଲା। ଏହି ବୈଠକରେ ହରଭଙ୍ଗା ବିଡିଓ ରବିନ୍ଦ୍ରନାଥ କହଁର, ହରଭଙ୍ଗା ତହସିଲଦାର ଶମ୍ଭୁଭୂଷଣ ମିଶ୍ର, ବ୍ଲକ ଉପାଧ୍ୟକ୍ଷ ସରୋଜ ପ୍ରଧାନ, ସିଡିପିଓ ନିରୂପମା ପାଣି, ପୁରୁଣାକଟକ ଆଇଆଇସି ଜ୍ୟୋସ୍ନା କାଉଁରୀ, ବ୍ଲକ କୃଷି ଅଧିକାରୀ ସବ୍ୟସାଚୀ ଦାସ, ଜିପିଇଓ ଜତିନ ମିଶ୍ରଙ୍କ ସହିତ ଅଗ୍ନିଶମ, ପୁଲିସ, ବ୍ଲକ ଏବଂ ଅନ୍ୟାନ୍ୟ ବିଭାଗର କର୍ମକର୍ତ୍ତା ପ୍ରମୁଖ ଯୋଗଦାନ କରିଥିଲେ। ବିପର୍ଯ୍ୟୟ ପ୍ରଶମନ ଦିବସର ଲକ୍ଷ୍ୟ ଏବଂ ହ୍ରାସ ଦିଗରେ ସମସ୍ତେ ନିଜ ନିଜର ବକ୍ତବ୍ୟ ରଖିଥିଲେ। ବିପର୍ଯ୍ୟୟ ପ୍ରଶମନ ପାଇଁ ସମସ୍ତେ ଶପଥ ନେବା ସହିତ ବିପର୍ଯ୍ୟୟକୁ କିପରି ହ୍ରାସ କରିହେବ ଏବଂ ଆଗୁଆ ସୂଚନା ଦ୍ୱାରା କିପରି ସୁରକ୍ଷିତ ରହିବା ସେ ଦିଗରେ ଆଲୋଚନା ହୋଇଥିଲା । ବୈଠକ ପରେ ହରଭଙ୍ଗା ତହସିଲ କାର୍ଯ୍ୟାଳୟ ପକ୍ଷରୁ ଏକ ସଚେତନତା ଶୋଭାଯାତ୍ର ବାହାରି ଚାରିଛକ ବଜାର ପରିକ୍ରମା କରିବା ସହିତ ବ୍ଲକ କାର୍ଯ୍ୟାଳୟରେ ପହଞ୍ଚିଥିଲା।
Popular Categories
Previous article
Next article