ବୌଦ୍ଧ: ବୌଦ୍ଧ ଥାନା ପୁଲିସ ପକ୍ଷରୁ ୧୨୦ କେଜି ଗଞ୍ଜେଇ ସହ ୩ଟି ମଟରସାଇକେଲ ଜବତ ହୋଇଛି । ଘଟଣାରେ ଜଣକୁ ପୁଲିସ ଗିରଫ ମଧ୍ୟ କରିଥିବା ଜଣାପଡିଛି । ମିଳିଥିବା ସୂଚନା ମୁତାବକ ଶୁକ୍ରବାର ଦିନ ୩ଟି ମଟରସାଇକେଲରେ ବଘିଆପଡା ପଟୁ ଜହ୍ନାପଙ୍କ ଆଡକୁ ଗଞ୍ଜେଇ ଚାଲାଣ ହେଉଥିବା ଖବରପାଇ ବୌଦ୍ଧ ପୁଲିସ ଉକ୍ତ ରାସ୍ତାରେ ଚଢାଉ କରିଥିଲା । ଚଢାଉ ସମୟରେ ଦୁଇଜଣ ବ୍ୟକ୍ତି ମଟରସାଇକେଲ ଛାଡି ଫେରାର ହୋଇଯାଇଥିଲେ । ହେଲେ ଜଣେ ପୁଲିସ ହାତରେ ଧରାପଡିଥିଲା । ପୁଲିସ ୩ଟି ବାଇକରୁ ୧୨୦ କେଜି ଗଞ୍ଜେଇ ସହ ୩ଟି ମଟରସାଇକେଲ ଜବତ କରି ଜଣେ ଅଭିଯୁକ୍ତ ବାଉଁଶୁଣୀ ସଦେଇପୁର ଗ୍ରାମର ତରଣୀ ପ୍ରଧାନ (୨୯)କୁ ଗିରଫ କରିଥିଲା । ଏନେଇ ବୌଦ୍ଧ ଥାନାରେ ଏକ ମାମଲା ୩୦୯ /୨୨ରେ ରୁଜୁ କରି ଅଭିଯୁକ୍ତକୁ କୋର୍ଟ ଚାଲାଣ କରିଛି ।
Popular Categories
Previous article
Next article