ତିିଗିରିଆ : ତିଗିରିଆ ନିଜିଗଡ଼ସ୍ଥିତ ପ୍ରସନ୍ନ ପୁରୁଷୋତ୍ତମଦେବ ମହାବିଦ୍ୟାଳୟରେ ଗୁରୁବାର ଯୁକ୍ତ ଦୁଇ ପ୍ରଥମବର୍ଷର ଛାତ୍ରଛାତ୍ରୀଙ୍କ ଶ୍ରେଣୀଗୃହ ପ୍ରବେଶ ଉତ୍ସବ ଅନୁଷ୍ଠିତ ହୋଇଯାଇଛି । ଏହି ଅବସରରେ ମହାବିଦ୍ୟାଳୟର ଅଧ୍ୟକ୍ଷା ଡଃ ସୁଧାଂଶୁବାଳା ଦାସଙ୍କ ତତ୍ତ୍ୱାବଧାନରେ ନୂତନଭାବେ ଶ୍ରେଣୀ ପ୍ରବେଶ କରିଥିବା ଛାତ୍ରଛାତ୍ରୀମାନଙ୍କୁ ସ୍ୱାଗତ କରାଯାଇଥିଲା । ଅଧ୍ୟକ୍ଷା ଡଃ ଦାସ ମହାବିଦ୍ୟାଳୟର ନୀତିନିୟମ ବିଷୟରେ ଛାତ୍ରଛାତ୍ରୀଙ୍କୁ ଅବଗତ କରାଇବା ସହ ପ୍ରତ୍ୟେକଙ୍କ ଠାରୁ ନୀତିନିୟମ ମାନିବା ଏବଂ କୌଣସି ବିଶୃଙ୍ଖଳା ନକରିବା ପାଇଁ ଏକ ଘୋଷଣାନାମା ପତ୍ରରେ ସ୍ୱାକ୍ଷର ଓ ସ୍ୱୀକୃତି ଗ୍ରହଣ କରିଥିଲେ । ଏହି ଅବସରରେର ପ୍ରାଧ୍ୟାପକ ବିଜୟ ବେହେରା, ଅଜୟ ସ୍ୱାଇଁ, ସୁଧୀର ନାଥ, ଡଃ ପତିତପାବନ ପଣ୍ଡା, ଅନନ୍ତ ଆଚାର୍ଯ୍ୟ ଓ ମିତାରାଣୀ ପୃଷ୍ଟି ପ୍ରମୁଖ ଛାତ୍ରଛାତ୍ରୀମାନଙ୍କୁ ମହାବିଦ୍ୟାଳୟର ନୀତିନିୟମ ଓ ଶୃଙ୍ଖଳିତ ଶିକ୍ଷା ବ୍ୟବସ୍ଥା ବିଷୟରେ ବୁଝାଇଥିଲେ। ପ୍ରଥମ ଦିନରେ ସମୁଦାୟ ୨୨୦ଜଣ ଛାତ୍ରଛାତ୍ରୀ ପ୍ରବେଶ କରିଥିବା ଅଧ୍ୟକ୍ଷା ଡଃ ଦାସ ସୂଚନା ଦେଇଛନ୍ତି।
Comments are closed.