ବୌଦ୍ଧ/କଣ୍ଟାମାଳ: ଆଜି କଣ୍ଟାମାଳ ବ୍ଲକର ୨୪ଟି ପଞ୍ଚାୟତର ସମସ୍ତ ସମିତି ସଭ୍ୟ/ସଭ୍ୟା ମାନଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଯାଇଛି । ଗୁଡ଼ଭେଳିପଦର ସମିତି ସଭ୍ୟଙ୍କ ସଭାପତିତ୍ୱରେ ଏହି ବୈଠକ ଅନୁଷ୍ଠିତ ହୋଇଥିଲା । ବୈଠକରେ ବିଭିନ୍ନ ଉନ୍ନୟନ ମୂଳକ କାମ, ସମସ୍ତ ପଞ୍ଚାୟତର ବିକାଶ ସମ୍ପର୍କରେ ଆଲୋଚନା କରାଯାଇଥିଲା । ଏହା ବ୍ୟତୀତ ସମସ୍ତ ସମିତି ସଭ୍ୟ/ସଭ୍ୟା ନିଜ ନିଜ ଅଞ୍ଚଳର ସମସ୍ୟା ଓ ସେମାନେ ସମ୍ମୁଖୀନ ହେଉଥିବା ଜନସାଧରଣଙ୍କ ଆକ୍ରୋଶର ସରବ୍ୟ ସମ୍ପର୍କରେ ମଧ୍ୟ ବକ୍ତବ୍ୟ ରଖିଥିଲେ ଓ ତହିଁର ସମାଧାନ ଉପରେ ଆଲୋଚନା କରାଯାଇଥିଲା । ବିଶେଷ କରି ଅଧିକାଂଶ ସମିତି ସଭ୍ୟ/ସଭ୍ୟାଙ୍କୁ ସରକାରଙ୍କ ବିଭିନ୍ନ ଉନ୍ନୟନମୂଳକ ଯୋଜନା ସମ୍ପର୍କରେ ବ୍ଲକ ପ୍ରଶାସନ ତରଫରୁ ସୂଚନା ଦିଆଯାଉ ନଥିବା ନେଇ ଅସନ୍ତୋଷ ପ୍ରକାଶ କରିଥିଲେ । ଏହାର ସମାଧାନ ପାଇଁ ବୈଠକରେ ଉପସ୍ଥିତ ବ୍ଲକ ଅଧ୍ୟକ୍ଷା ସସ୍ମିତା ସେନାପତି ଓ ଉପାଧ୍ୟକ୍ଷଙ୍କ ଦୃଷ୍ଟି ଆକର୍ଷଣ କରିଥିଲେ । ଆଗାମୀ ଦିନରେ ବ୍ଲକ ପ୍ରଶାସନ ସମସ୍ତ ସମିତି ସଭ୍ୟ ଓ ସଭ୍ୟାଙ୍କ ସମସ୍ୟ କୁ ଯେପରି ଗୁରୁତ୍ୱ ଓ ଗମ୍ଭୀରତାର ସହ ନେବେ ଓ ଅଗ୍ରାଧିକାର ଦେବେ ସେଥିପ୍ରତି ସେ ଚେଷ୍ଟା କରିବେ ବୋଲି ଅଧ୍ୟକ୍ଷା ଶ୍ରୀମତୀ ସେନାପତି କହିଛନ୍ତି । ଶେଷରେ ଦପଳା ସମିତି ସଭ୍ୟା ସସ୍ମିତା ପୁରୋହିତ ଧନ୍ୟବାଦ ଅର୍ପଣ କରିଥିଲେ ।
Comments are closed.