ସମ୍ବଲପୁର: ଭାରତୀୟ ରେଳବାଇ ଅର୍ନ୍ତଗତ ଦକ୍ଷିଣ ପୁର୍ବ ମଧ୍ୟ ରେଳପଥରେ ନିରାପତ୍ତା ସମ୍ବନ୍ଧୀୟ ଆଧୁନିକିକରଣ ପାଇଁ ରେଳ ଚଳାଚଳ ଆଂଶିକ ବ୍ୟାହତ ହୋଇଛି। ରେଳବାଇ ପକ୍ଷରୁ ଜାରି ସୂଚନାନୁଯାୟୀ ରେଳ ସଂଖ୍ୟା ୨୨୯୭୩/୨୨୯୭୪ ଗାନ୍ଧୀଧାମ – ପୁରୀ – ଗାନ୍ଧୀଧାମ ଏକ୍ସପ୍ରେସ ଗାନ୍ଧୀଧାମରୁ ୭ ସେପ୍ଟେମ୍ବର ଏବଂ ପୁରୀରୁ ୧୦ ସେପ୍ଟେମ୍ବର, ବିଶାଖାପଟନମ – କୋରବା – ବିଶାଖାପଟନମ ଏକ୍ସପ୍ରେସ ବିଶାଖାପଟନମରୁ ୧୧ ତାରିଖ ଓ କୋରବାରୁ ୧୨ ତାରିଖ ଚଳାଚଳ ବାତିଲ ରହିବ। ରାୟପୁର – ଜୁନାଗଡ଼ ରୋଡ – ରାୟପୁର ପାସେଞ୍ଜର ଟ୍ରେନ ରାୟପୁରରୁ ୬ ରୁ ୧୬ ତାରିଖ ଓ ଜୁନାଗଡ଼ ରୋଡରୁ ୭ ରୁ ୧୭ ତାରିଖ, ବିଶାଖାପଟନମ – ଦୁର୍ଗ – ବିଶାଖାପଟନମ ଏକ୍ସପ୍ରେସ ବିଶାଖାପଟନମ ରୁ ୬ ରୁ ୧୨ ତାରିଖ ଓ ଦୁର୍ଗ ରୁ ୭ ତାରିଖରୁ ୧୩ ତାରିଖ ଏବଂ ଟିଟିଲାଗଡ଼ – ରାୟପୁର – ଟିଟିଲାଗଡ଼ ପାସେଞ୍ଜର ଟିଟିଲାଗଡ଼ରୁ ୬ ରୁ ୧୨ ତାରିଖ ଓ ରାୟପୁରରୁ ୭ ତାରିଖରୁ ୧୩ ତାରିଖ ପର୍ଯ୍ୟନ୍ତ ବାତିଲ ରହିବ।
ସେହିଭଳି ପୁରୀ – ଦୁର୍ଗ – ପୁରୀ ଏକ୍ସପ୍ରେସ ପୁରୀରୁ ୬ ରୁ ୧୫ ଓ ଦୁର୍ଗରୁ ୭ ରୁ ୧୬ ତାରିଖ ପର୍ଯ୍ୟନ୍ତ ପୁରୀ ରୁ ମହାସମୁନ୍ଦ ମଧ୍ୟରେ ଚଳାଚଳ କରିବ ଏବଂ ମହାସମୁନ୍ଦ ରୁ ରାୟପୁର ମଧ୍ୟରେ ଉଭୟ ଦିଗରୁ ବାତିଲ ରହିବ। ବିଶାଖାପଟନମ – ରାୟପୁର – ବିଶାଖାପଟନମ ପାସେଞ୍ଜର ବିଶାଖାପଟନମ ରୁ ୬ ରୁ ୧୨ ତାରିଖ ଓ ରାୟପୁର ରୁ ୭ ତାରିଖରୁ ୧୩ ତାରିଖ ପର୍ଯ୍ୟନ୍ତ ବିଶାଖାପଟନମ ରୁ ମହାସମୁନ୍ଦ ମଧ୍ୟରେ ଚଳାଚଳ କରିବ ଏବଂ ଏହି ଟ୍ରେନ ଉଭୟ ଦିଗରୁ ମହାସମୁନ୍ଦ ରୁ ରାୟପୁର ମଧ୍ୟରେ ଚଳାଚଳ ବାତିଲ ରହିବ।
ସେହିପରି ତିରପତି – ବିଲାସପୁର – ତିରୁପତି ଏକ୍ସପ୍ରେସ, ପୁରୀ – ଅହମଦାବାଦ – ପୁରୀ ଏକ୍ସପ୍ରେସ, ପୁରୀ – ସୁରଟ ଏକ୍ସପ୍ରେସ ଆସନ୍ତା ୭ ତାରିଖରୁ ୧୫ ତାରିଖ ପର୍ଯ୍ୟନ୍ତ ପରିବର୍ତ୍ତିତ ମାର୍ଗରେ ଚଳାଚଳ କରିବ। ବିଶାଖାପଟନମ – କୋରବା ଏକ୍ସପ୍ରେସ, ବିଶାଖାପଟନମ – ନିଜାମୁଦ୍ଦିନ – ବିଶାଖାପଟନମ ସମତା ଏକ୍ସପ୍ରେସ, ପୁରୀ – ସିରିଡି ସାଇନଗର ଏକ୍ସପ୍ରେସ, ତିରୁପତି – ବିଲାସପୁର ଏକ୍ସପ୍ରେସ, ପୁରୀ – ଲୋକମାନ୍ୟ ତିଲକ ଏକ୍ସପ୍ରେସ, ପୁରୀ – ଆଜମେର ଏକ୍ସପ୍ରେସ, ବିଶାଖାପଟନମ – ଭଗତ କି କୋଠି ଏକ୍ସପ୍ରେସ, ପୁରୀ – ଗାନ୍ଧୀଧାମ ଏକ୍ସପ୍ରେସ ରେଳ ଗୁଡିକର ସମୟ ସାରଣୀରେ ୬ ରୁ ୧୫ ତାରିଖ ମଧ୍ୟରେ ଆଂଶିକ ପରିବର୍ତ୍ତନ କରାଯାଇଛି। ମହାସମୁନ୍ଦ ଓ ରାୟପୁର ମଧ୍ୟରେ ଅସ୍ଥାୟୀ ରୂପେ ୨ ଯୋଡା ଏକ୍ସପ୍ରେସ ରେଳ ୬ ରୁ ୧୩ ତାରିଖ ମଧ୍ୟରେ ଚଳାଚଳ କରିବ ବୋଲି ରେଳବାଇ ପକ୍ଷରୁ ସୂଚନା ଦିଆଯାଇଛି।
