କାବୁଲ: ଆଫଗାନିସ୍ତାନରେ କ୍ଷମତା ଦଖଲ କରିଥିବା ତାଲିବାନ ତରଫରୁ ମହିଳାଙ୍କ ବିରୋଧୀ ଆଉ ଗୋଟିଏ ନିର୍ଦେଶାନାମା ଜାରି କରାଯାଇଛି । ଆଫଗାନିସ୍ତାନ ମହିଳାମାନେ ବିଦେଶରେ ଯାଇ ପାଠ ପଢ଼ିପାରିବେ ନାହିଁ ବୋଲି ନିର୍ଦେଶାନାମାରେ ଦର୍ଶାଯାଇଛି । ଉଭୟ ପୁରୁଷ ଓ ମହିଳା ବିଦ୍ୟାର୍ଥୀମାନେ ଆଫଗାନିସ୍ତାନ ଛାଡ଼ି କାଜଖସ୍ତାନ ଓ କାତାର ଭଳି ଦେଶରେ ଉଚ୍ଚ ଶିକ୍ଷା ଲାଭ କରିବାକୁ ଯୋଜନା କରୁଥିବା ବେଳେ ବିଦେଶରେ ପାଠ ପଢ଼ିବାକୁ କେବଳ ପୁରୁଷଙ୍କୁ ଅନୁମତି ଦେଇଛି ତାଲିବାନ ସରକାର ।
ଆଫଗାନିସ୍ତାନରୁ ଆମେରିକା ସେନା ପ୍ରତ୍ୟାହାର କରିବାପରେ ୨୦୨୧ ସେପ୍ଟେମ୍ବରରେ ସେଠାକାର କ୍ଷମତା ଦଖଲ କରିଥିଲା ତାଲିବାନ୍ । ସରକାର ଗଢ଼ିବା ପରେ ତାଲିବାନ ତରଫରୁ ମହିଳାଙ୍କ ନିମନ୍ତେ ନାନା କଟକଣା ଜାରି ହୋଇଛି । ବାଳିକାମାନେ ୬ଷ୍ଠ ଶ୍ରେଣୀରୁ ଅଧିକ ପାଠ ନ ପଢ଼ିବା, ମହିଳାମାନେ ବାହାରକୁ ଯାଇ କାମ କରିବା ଆଦି କଟକଣା ଜାରି କରିଥିଲେ। ଏହାକୁ ବିରୋଧ କରୁଥିବା ମହିଳା ସଂଗଠନର ସଦସ୍ୟାଙ୍କୁ ତାଲିବାନ ଯୋଦ୍ଧାମାନେ ମାଡ଼ ମାରିବା ସହ ଭୟ ପ୍ରଦର୍ଶନ କରିବାର ଅନେକ ନଜିର ରହିଛି।
