ଭୁବନେଶ୍ବର: ଓଡ଼ିଶା ଲୋକସେବା ଆୟୋଗ (ଓପିଏସସି) ପରିଚାଳିତ ଆସିଷ୍ଟାଣ୍ଟ ସେକ୍ସନ ଅଫିସର (ଏଏସ୍ଓ) ଲିଖିତ ପରୀକ୍ଷା ଆସନ୍ତା ୨୭ ତାରିଖରେ ଅନୁଷ୍ଠିତ ହେବ। ପୂର୍ବରୁ ଯେଉଁ ପରୀକ୍ଷାକେନ୍ଦ୍ର ମନୋନୟନ କରାଯାଇଥିଲା, ତାହା ବଦଳିବନି। ତେବେ ୨୭ ତାରିଖରେ ପରୀକ୍ଷା ପାଇଁ ଖୋର୍ଦ୍ଧା ଜିଲାରେ ଥିବା ୧୩୯ଟି ଶିକ୍ଷାନୁଷ୍ଠାନକୁ ସ୍ବତନ୍ତ୍ର ଛୁଟି ଘୋଷଣା କରାଯାଇଛି। ଏଥିସହ ପରୀକ୍ଷା କେନ୍ଦ୍ରର ତାଲିକା ମଧ୍ୟ ଜାରି ହୋଇଛି। ସୂଚନା ଅନୁସାରେ, ଗତ ୨୧ତାରିଖରେ ଏଏସ୍ଓ ଲିଖିତ ପରୀକ୍ଷା ହେବାର ଥିଲା। ଏଥିପାଇଁ ପରୀକ୍ଷା କେନ୍ଦ୍ର ବି ମନୋନୟନ କରାଯାଇଥିଲା। ହେଲେ ବନ୍ୟା ପାଇଁ ପରୀକ୍ଷାକୁ ୨୭ତାରିଖକୁ ଘୁଞ୍ଚାଯାଇଥିଲା। ସୂଚନାଯୋଗ୍ୟ, ୭୯୬ ଏଏସ୍ଓ ପଦବୀ ପାଇଁ ଏହି ପରୀକ୍ଷା ଅନୁଷ୍ଠିତ ହେଉଛି।
Comments are closed.