ମୁଖୀଗୁଡା: କଳାହାଣ୍ଡି ଜିଲ୍ଲା ଜୟପାଟଣାର ନନ୍ଦ ଧଙ୍ଗଡ଼ାମାଝୀଙ୍କ ପାଇଁ ସରକାରୀ ସହାୟତା ଜରୁରୀ ହୋଇପଡିଛି । ଜୟପାଟଣା ୭ ନମ୍ବର ୱାର୍ଡ ବାସିନ୍ଦା ନନ୍ଦ ଧଙ୍ଗଡା ମାଝୀ (୬୩) ଗତ ୧୭ ତାରିଖରେ ଗୁରୁତର ଆହତ ହୋଇଥିଲେ । ତାଙ୍କୁ ଚିକିତ୍ସା ପାଇଁ ଭବାନୀପାଟଣା ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକତ୍ସା କରାଯାଇ ଡାହାଣ ହାତ ବୁଢାଆଙ୍ଗୁଠି ନଖପାଖର କିଛି ଅଂଶ କଟାଯାଇଛି । ଚିକତ୍ସା ସମୟରେ ‘ଓଡିଶା ମୋ ପରିବାର ‘ ଜିଲ୍ଲା ସଂଯୋଜକ ପ୍ରଦୀପ ଦାସ କିଛି ଅର୍ଥିକ ସହାୟତା କରିଥିଲେ । ଏବେ ଡାକ୍ତରଖାନାରୁ ଘରକୁ ଫେରିବା ପରେ ନନ୍ଦଙ୍କ ଚିନ୍ତା ବଢିଯାଇଛି । ସେ ଏବେ ଚଳିବେ କିପରି ? ବାର୍ଦ୍ଧକ୍ୟ ଭତ୍ତା ପାଇଁ ଆବେଦନ କରିଥିଲେ ହେଁ ତାଙ୍କୁ ଏଯାଏଁ ମିଳିନାହିଁ । ତୁରନ୍ତ ନନ୍ଦଙ୍କୁ ଭତ୍ତା ପ୍ରଦାନ ପାଇଁ ଆବଶ୍ୟକ ପଦକ୍ଷେପ ଗ୍ରହଣ କରିବା ପାଇଁ ଦାବି ହୋଉଛି । ଜୟପାଟଣାରେ ବୁଲା କୁକୁରଙ୍କ ସଂଖ୍ୟା ବୃଦ୍ଧି ପାଉଥିବାରୁ ବୁଲା କୁକୁରର କାମୁଡ଼ାରେ ତାଙ୍କର ଏପରି ଅବସ୍ଥା ହେଲା ବୋଲି ସେ ପ୍ରକାଶ କରିଛନ୍ତି । ଜୟପାଟଣାରେ ଦିନକୁ ଦିନ ବୁଲା କୁକୁରଙ୍କ ସଂଖ୍ୟା ବୃଦ୍ଧି ପାଉ ଥିଲେ ହେଁ ଏହାକୁ ରୋକିବା ଦିଗରେ କୌଣସି ପଦକ୍ଷେପ ଗ୍ରହଣ କରାଯାଉନାହିଁ ।
Comments are closed.