ଫୁଲବାଣୀ:କନ୍ଧମାଳ ଜିଲା ଫୁଲବାଣୀ ଆଇଟିଆଇ ପଛ ପଟରେ ଘଟିଥିବା ନବମ ଶ୍ରେଣୀ ଛାତ୍ରୀ କବିତା କହଁର ହତ୍ୟା ଘଟଣାକୁ ଦୀର୍ଘ ଏକ ମାସ ବିତି ଯାଇଥିଲେ ସୁଦ୍ଧା ଜିଲା ପୁଲିସ ପ୍ରସାଶନ ଏହାର ତଦନ୍ତ ପ୍ରକ୍ରିୟାକୁ ତ୍ବରାନ୍ବୀତ କରୁନାହିଁ। ନବମ ଶ୍ରେଣୀ ଛାତ୍ରୀ କବିତା କହଁର ମୃତ୍ୟୁ ଘଟଣାକୁ ରାଜ୍ୟ ସରକାର ଗୁରୁତ୍ୱର ସହ ନେଇ ଏହାକୁ କ୍ରାଇମ ବ୍ରାଞ୍ଚ ଦ୍ୱାରା ତଦନ୍ତ କରାଇବା ପାଇଁ ଏବିଭିପି ଦାବି କରିଛି l ଏହାସହିତ ଭାଇରାଲ ଭିଡିଓରେ ଥିବା ବ୍ୟକ୍ତି ମାନଙ୍କୁ ତୁରନ୍ତ ତଦନ୍ତ ପରିସରଭୁକ୍ତ କରିବା ସହିତ ଗିରଫ ପାଇଁ ଦାବି କରିଛି l ଆଗାମୀ ୭ଦିନ ଭିତରେ ଯଦି ଦୋଷୀଙ୍କ ବିରୁଦ୍ଧରେ କଡା କାର୍ଯାନୁଷ୍ଠାନ ନନିଆଯାଏ ତେବେ ଏବିଭିପି ତରଫରୁ ଏସପି ଅଫିସ ଘେରାଉ କରାଯିବ ବୋଲି ଚେତାବନୀ ଦିଆଯାଇଛି। ଆଜିର ସାମ୍ବାଦିକ ସମ୍ମିଳନୀରେ କନ୍ଧମାଳ ଜିଲା ପ୍ରମୁଖ ଶିବାଶିଷ ପଣ୍ଡା, ଜିଲା ସଂଯୋଜକ ରୁଦ୍ରପ୍ରସାଦ ସେଠୀ, ବିଭାଗ ଏସଏଫଏସ ପ୍ରମୁଖ ଦିବ୍ୟାରଞ୍ଜନ ଡାକୁଆ, ଜିଲା ଜନଜାତି ଛାତ୍ରୀ ପ୍ରମୁଖ ଜ୍ୟୋତି ରାଣୀ କହଁର, ଫୁଲବାଣୀ ନଗର ସମ୍ପାଦକ ଅମିତ ବେହେରା ଯୋଗ ଦେଇଥିଲେ।
Comments are closed.