ରେଙ୍ଗାଲିକ୍ୟାମ୍ପ : ଅତାବିରା ବ୍ଲକ ଅନ୍ତର୍ଗତ ବାବେବିରା କେନାଲପଡ଼ାର ୧୭ ବର୍ଷୀୟ ଦିବ୍ୟାଙ୍ଗ ଯୁବକ ମୁକେଶ ତାଣ୍ଡି ଆଜିକୁ ସାତ ଦିନ ହେଲା କୁଆଡେ ଚାଲିଯାଇଛନ୍ତି । ପରିବାର ବର୍ଗ ଅନେକ ଖୋଜାଖୋଜି କଲା ପରେ ମଧ୍ୟ ତାଙ୍କର କୌଣସି ଖବର ମିଳୁନାହିଁ । ଏନେଇ ଅତାବିରା ଥାନାରେ ମଧ୍ୟ ଗତ ୫ ତାରିଖ ଦିନ ତାଙ୍କ ବାପା କୁବେର ତାଣ୍ଡି ଏକ ଲିଖିତ ଅଭିଯୋଗ କରିଛନ୍ତି । ଘଟଣା ସୂତ୍ରରୁ ଜଣାପଡ଼ିଛି ଯେ କୌଣସି କାରଣକୁ ନେଇ ତାଙ୍କ ବାପାଙ୍କ ସହ ସେ ଝଗଡା କରି ଘରୁ ବାହାରି ଚାଲିଯାଇଛନ୍ତି । ସେ କହିପାରନ୍ତି ନାହିଁ କି ଶୁଣି ବି ପାରନ୍ତି ନାହିଁ । ତାଙ୍କର ଗୋଟିଏ ଆଖିକୁ ମଧ୍ୟ କିଛି ଦିଶୁନାହିଁ । ଏପରି ଅବସ୍ଥାରେ ସେ କୁଆଡେ ଚାଲିଯାଇଛନ୍ତି, ତେଣୁ ପରିବାର ବର୍ଗ ବିଶେଷ ଚିନ୍ତିତ ଅଛନ୍ତି
କିଛି ଲୋକଙ୍କ କହିବା ଅନୁଯାୟୀ ସେ ଯେଉଁ ଦିନ ଘରୁ ବାହାରି ଯାଇଥିଲେ । ତାର ଦୁଇଦିନ ପରେ ରେଙ୍ଗାଲିକେମ୍ପ କାଳୀ ମନ୍ଦିରରେ ସେ ଥିବାର କିଛି ଲୋକ ଦେଖିଥିଲେ। ତୁରନ୍ତ ତାଙ୍କ ପିତାଙ୍କ ନିକଟକୁ ଖବର ଦେଇଥିଲେ । କିନ୍ତୁ ତାଙ୍କ ବାପା କୁବେର ତାଣ୍ଡି ତାଙ୍କୁ ଆଣିବାକୁ ସେଠାକୁ ଯାଇଥିଲେ । ମାତ୍ର ପହଞ୍ଚିବା ବେଳକୁ ସେ ସେଠାରେ ନଥିଲେ । ଅନ୍ୟତ୍ର ଚାଲିଯାଇଥିଲେ। ତେଣୁ ସେ ନିରାଶ ହୋଇ ଫେରି ଆସିଥିଲେ । ପୁଲିସ ଏହି ନିଖୋଜ ଯୁବକଙ୍କୁ ଖୋଜିବା ପାଇଁ ତାର ପ୍ରକ୍ରିୟା ଆରମ୍ଭ କରିଦେଇଛି । ରାଜ୍ୟର ପ୍ରତି ରେଳ ଷ୍ଟେସନ ମାନଙ୍କୁ ତଥା ଥାନା ମାନଙ୍କରେ ତାଙ୍କର ଫଟୋ ସହ ସୂଚନା ଦେଇସାରିଛି । ଯେ କୌଣସି ସହୃଦୟ ବ୍ୟକ୍ତି ଯଦି ତାଙ୍କୁ ଦେଖନ୍ତି ତୁରନ୍ତ ଖବର ଦେବାପାଇଁ କୁହାଯାଇଛି ।
Comments are closed.